لاہور: پیپلز پارٹی کے سینیٹر اور پنجاب کے صدر قمر زمان کائرہ نے کہا ہے کہ ثبوتوں کے باوجودن لیگ کے خلاف فیصلے نہیں آتے، اللہ کر ے پاناما کیس میں تحریک انصاف کو انصاف مل جائے۔
پیپلز پارٹی کے زیر اہتمام لاہور میں ذوالفقار علی بھٹو کی سالگرہ کی تقریبات کا انعقاد کیا گیا۔ تقریب سے خطاب کرتے ہوئے قمر زماں کائرہ نے کہا کہ بھٹو کے سیاسی فلسفے کو بڑھانے کی ضرورت ہے، بھٹو کے افکار کو پروان چڑھایا جائے، اس وقت اس کی ضرورت ہے۔
قمر زماں کائرہ نے بلدیاتی اداروں کو بیورو کریسی کے حوالے کرنے پر تشویش کا اظہار کرتے ہوئے وزیراعلیٰ پنجاب میاں شہباز شریف پر تنقید کی اور کہا کہ پاناما لیکس میں مسلم لیگ ن کے خلاف کرپشن کے ثبوت موجود ہیں مگر ثبوتوں کے باوجودن لیگ کے خلاف فیصلے نہیں آتے، اللہ کر ے پاناما کیس میں تحریک انصاف کو انصاف مل جائے۔
قمر زمان کائرہ کا کہنا تھا کہ حکمرانوں کی طرف سے خوشحالی کے دعوے کے باوجود اسپتالوں میں مریض ٹھنڈے فرش پر مررہے ہیں۔ انہوں نے بتایاکہ بلاول بھٹو زرداری آئندہ ایک دو روز میں پنجاب آئیں گے۔
