site
stats
سائنس اور ٹیکنالوجی

آئی فون 7، ’نو سروس‘ فالٹ کی تصدیق، ایپل فونز کا نقصان کے ازالے کا اعلان

ایپل فونز انتظامیہ نے آئی فون 7 میں نو سروس فالٹ کے باعث صارفین کو پیش آنے والی  مشکلات پر معذرت کرتے ہوئے صارفین کے نقصان کے ازالے کا اعلان کردیا ہے۔

ایپل فون کی انتظامیہ نے اپنے فون سیٹ آئی فون 7 میں موبائل فون سروس سے متعلق شکایات کی تصدیق کرتے ہوئے وضاحت کی ہے کہ گو یہ خرابی بہت کم سیٹس میں دیکھنے میں آئی ہے لیکن اس کے باوجود ایپل فونز انتظامیہ اپنے صارفین کے نقصان کا ازالہ کرے گی۔

ایپل فونز کی ویب سائٹ پر جاری اعلامیے میں کہا گیا ہے کہ آئی فون 7 کے اوپری بار پر ’نو سروس‘ کا اسٹیٹس نظر آتا ہے حالانکہ اُس وقت موبائل فون سروس بھی دستیاب ہوتی ہے اور اسٹیٹس بار پر موبائل سروس کے سگنل بھی پورے آ رہے ہوتے ہیں۔

ایپل فون انتظامیہ نے کہا ہے کہ آئی فون 7 میں آنے والی یہ خرابی مرکزی لوجک بورڈ کے ایک عنصر کی خرابی کے باعث سامنے آرہی ہے جس پر کام جاری ہے اور جلد ہی اس خرابی کو دور کرلیا جائے گا۔

ایپل انتظامیہ نے مزید بتایا کہ مذکورہ خرابی ستمبر 2016 سے فروری 2018 کے درمیان تیار کیے گئے آئی فون 7 میں آ رہی ہے جنہیں چین، ہانگ کانگ، جاپان، اور امریکا میں فروخت کیا گیا تھا۔

ایپل فونز انتظامیہ نے خرابی والے موبائل سیٹس کی تفصیلات جاری کرتے ہوئے اعلان کیا ہے کہ صارفین کو دوسرے فون سیٹ یا نقصان کے ازالے کے لیے ای میل کردی گئی ہیں تاہم اب تک کسی صارف کو ای میل موصول نہیں ہوئی ہو تو وہ صارفین یہاں رابطہ کرسکتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top