ایپل کمپنی اپنی مشہور زمانہ برانڈ آئی فون کو اب ہر ایک کی دسترس میں لانے کے لیے سستا ترین فائیو جی فون لارہی ہے
آئی فون موبائل فونز کی دنیا میں ایک ایسا نام ہے جس کو اپنانا ہر شخص کا خواب ہے مگر بہت زیادہ قیمت ہونے کے باعث یہ فون امیروں کی شان بڑھاتے ہی نظر آتے ہیں مگر آئی فون رکھنے کے خواہشمندوں کے لیے ہے خوشخبری کہ اب امریکی جائنٹ ایپل کمپنی اب تک کا سستا ترین 5 جی موبائل فون لارہا ہے جس کے بعد اب عام افراد بھی اپنے خواب کو حقیقت بنا سکیں گے۔
جی ہاں ایک غیر ملکی جریدے نے اس راز سے پردہ اٹھایا ہے، بلومبرگ میں شائع ہونے والی رپورٹ کے مطابق ایپل کمپنی تھرڈ جنریشن آئی فون کو رواں سال مارچ یا اپریل میں ایک ورچوئل کانفرنس میں متعارف کرانے جارہا ہے۔
رپورٹ میں کہا گیا ہے کہ اس نئے ایس ای ماڈل کا ڈیزائن آئی فون 8 جیسا ہوگا جس میں غالباْ آئی فون 13 میں استعمال ہونے والے A 15 پروسیسر کے ساتھ 5جی کا اضافہ کیا جائے گا۔
تجزیہ کاروں کو امید ہے کہ اس میں 128 گیگا بائٹس کی اسٹوریج کے ساتھ کیمرہ سینسرز کو اپ ڈیٹ کیا جائے گا، لیکن تاحال یہ بات حتمی نہیں ہے۔
آئی فون ایس ای ماڈل کی موجودہ قیمت اس وقت 399 سے 499 ڈالر ہے اور توقع کی جارہی ہے کہ نئے ماڈل کو اس سے کچھ کم قیمت پر فروخت کے لیے پیش کیا جائے گا۔
تاہم نیا آئی فون ایس سی ان صارفین کے لیے مایوس کن ہوگا جو جدید مکمل اسکرین ڈیزائن کو استعمال کرنا چاہتے ہیں، کیونکہ اس نئے ماڈل میں نسبتاْ چھوٹی اسکرین کے ساتھ موٹا بیزل اور بٹن بیسڈ فنگر پرنٹ ریڈر دیا جائے گا۔
