کراچی: پاکستانی ڈرامہ انڈسٹری کی معروف اداکارہ سارہ خان نے سماجی رابطے کی ویب سائٹ انسٹاگرام پر تصویر شیئر کی جس پر مداح حیران رہ گئے۔
تفصیلات کے مطابق پاکستانی ڈرامہ انڈسٹری کی معروف اداکارہ سارہ خان سوشل میڈیا پر کافی متحرک نظر آتی ہیں، سارہ خان خوبصورت فوٹو شوٹ اور کام سے متعلق تصویریں مداحوں سے شیئر کرتی رہتی ہیں۔
سارہ خان کی جانب سے شیئر کی گئی ان تصاویر کو مداحوں کی جانب سے بھی خوب سراہا جاتا ہے۔
اداکارہ نے سماجی رابطے کی ویب سائٹ انسٹاگرام پر تصویر شیئر کی جس میں وہ انگوٹھی پہنی ہوئی ہیں، اداکارہ نے کیپشن لکھا کہ ’میں نے کہا ہاں۔‘ تاہم سارہ خان نے یہ نہیں بتایا کہ انہوں نے منگنی کرلی ہے یا نہیں۔
مداحوں کی جانب سے سارہ خان کو مبارک باد دینے کا سلسلہ جاری ہے۔
دوسری جانب حال ہی میں اداکارہ سارہ خان کے فوٹو، ویڈیو شیئر ایپلی کیشن انسٹاگرام پر 5 لاکھ فالوورز ہوگئے ہیں۔
واضح رہے کہ انسٹاگرام پر سب سے زیادہ فالو کی جانے والی پاکستانی معروف اداکارہ ایمن خان ہیں، ایمن خان نے ماہرہ خان کو بھی فالوورز کی دوڑ میں پیچھے چھوڑ دیا تھا۔
اداکارہ ایمن خان 6.7 ملین فالوورز کے ساتھ سب سے آگے ہیں، دوسرے نمبر پر 6.3 ملین فالوورز کے ساتھ ماہرہ خان، تیسرے نمبر پر اداکارہ عائزہ خان ہیں جن کے فالوورز کی تعداد 6 ملین یعنی 60 لاکھ ہوگئی ہے۔
اداکارہ منال خان 5.6 ملین فالوورز کے ساتھ چوتھے نمبر پر ہیں جبکہ سارہ خان 5 ملین فالوورز کے ساتھ پانچویں نمبر پر آگئی ہیں۔
