The news is by your side.

Advertisement

’مصباح اور وقار بے نقاب ہوکر بھاگے ہیں‘

راولپنڈی: قومی ٹیم کے سابق فاسٹ بولر شعیب اختر کا کہنا ہے کہ مصباح اور وقار بے نقاب ہوکر بھاگے ہیں۔

تفصیلات کے مطابق قومی ٹیم کے سابق فاسٹ بولر شعیب اختر کا کہنا ہے کہ مصباح الحق میدان چھوڑ کر بھاگے ہیں، اسے میں ڈر کر بھاگنا ہی کہوں گا۔

سابق اسپیڈ اسٹار نے کہا کہ میرے خیال میں مصباح کو معلوم تھا کہ رمیز راجہ کی موجودگی میں کوچنگ مشکل ہوگی۔

انہوں نے کہا کہ مصباح اور وقار دونوں بے نقاب ہوکر بھاگے ہیں، یہ پی سی بی کا قصور ہے کہ جو ان دونوں کو لایا تھا۔

مزید پڑھیں: مصباح اور وقار کے مستعفی ہونے کی اندرونی کہانی سامنے آگئی

شعیب اختر نے ورلڈ کپ کی ٹیم سلیکشن پر بات کرتے ہوئے کہا کہ اعظم خان آجاتے ہیں لیکن شعیب ملک نہیں آتے، سلیکشن سمجھ سے بالاتر ہے۔

سابق فاسٹ بولر کا کہنا تھا کہ مڈل آرڈر میں شعیب ملک کو ہونا چاہیے تھا، وہاب ریاض کو بھی ٹیم میں شامل کیا جانا چاہیے تھا۔

شعیب اختر نے کہا کہ ورلڈ کپ یو اے ای میں ہے قومی ٹیم کو کامیابی کے لیے پورا زور لگانا چاہیے۔

Comments

یہ بھی پڑھیں