The news is by your side.

میں پاکستان کی طرف سے اعظم سواتی کی اہلیہ سے معافی مانگنا چاہتا ہوں، عمران خان

لاہور : چیئرمین پی ٹی آئی عمران خان کا کہنا ہے کہ میں پاکستان کی طرف سے اعظم سواتی کی اہلیہ سے معافی مانگنا چاہتا ہوں۔

تفصیلات کے مطابق چیئرمین پی ٹی آئی عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ پاکستان انسانی وقار،خاندان کی عزت،اسلامی اخلاقی اقدار پر بنا لیکن اعظم سواتی کے ساتھ جو ہوا وہ ان تمام اقدار کی کھلی خلاف ورزی ہے۔

عمران خان کا کہنا تھا کہ اب ایسی ویڈیو سامنےآئی جس میں ان کی اہلیہ کی پرائیویسی کی خلاف ورزی کی گئی، یہ افسوسناک اورسراسرقابل مذمت ہے،کسی انسان کو اس کا شکارنہیں ہونا چاہیے،میں چیف جسٹس سےمطالبہ کرتاہوں کہ وہ اس کاازخودنوٹس لیں۔

چیئرمین پی ٹی آئی نے ایک اور ٹویٹ میں لکھا کہ میں پاکستان کی طرف سے اعظم سواتی کی اہلیہ سے معافی مانگنا چاہتا ہوں کہ تہجد گزارخاتون کو تکلیف اور اذیت برداشت کرنا پڑ رہی ہے۔

اس سے قبل پی ٹی آئی کے سینیٹر اعظم سواتی نے پریس کانفرنس کرتے ہوئے کہا تھا کہ گزشتہ رات مجھے میری بیوی کا فون آیا، میں نے پوچھا کیا ہواتو جواب میں ان کی چیخ و پکار تھی۔

اعظم سواتی کا کہنا تھا کہ بیٹی کو فون کیا اور کہا ماں سے پوچھوکیا ہوا، تو اس نے اپنی ماں کو منایا تو میری بیوی نے کہا مجھے کسی نےویڈیو بھیجی ہے۔

پی ٹی آئی رہنما نے کہا کہ بیٹی نے سسکیوں میں کہا ڈیڈی یہ ویڈیو آپ اور مما کی ہے، میری بیوی ملک چھوڑ کر چلی گئی ہے۔

Comments

یہ بھی پڑھیں