وزیر ریلوے اعظم سواتی نے کہا ہے کہ ریلوے نے 30، 40سال سے ایک ہی کام صرف چوری کا کیا ہے ریلوےمیں مافیا کو نہیں چھوڑوں گا۔
ڈہرکی ٹرین حادثے کے بعد میڈیا سے گفتگو کرتے ہوئے اعظم سواتی نے کہا کہ جائےحادثہ پر خود پہنچا اسپتالوں میں مریضوں کی عیادت کی، اسپتال میں زخمیوں کی اچھی دیکھ بھال ہورہی ہے۔
وزیر ریلوے نے کہا کہ ٹریک دوبارہ بحال کرنےکیلئے امدادی کارروائیاں جاری ہیں، سکھرڈویژن کاٹریک بہت خطرناک ہے، 3دن پہلےڈی ایس نےکہا اس ٹریک پر ٹرینوں کو نہیں چلا سکتا۔
وزیر ریلوے اعظم خان سواتی کی گھوٹکی ٹرین حادثہ پر میڈیا سے گفتگو۔۔#Ghotki #TrainAccident #PakistanRailways @PakrailPK @appcsocialmedia pic.twitter.com/TWri6CkQK4
— Ministry of Railways, Govt of Pakistan (@RailwaysGovPk) June 7, 2021
اعظم سواتی نے کہا کہ ریلوے نے 30،40سال سےایک ہی کام صرف چوری کاکیا، ریلوےمیں مافیا کو نہیں چھوڑوں گا جو بھی رپورٹ پیش ہوگی اس کی تحقیق میں خودکروں گا۔
ان کا کہنا تھا کہ ڈی ریلمنٹ میرے خیال میں مکینکل غلطی ہے ٹریک کیساتھ آٹومیٹک سگنل سسٹم نہیں ہے، سگنل 2008 میں لگنےتھےجوابھی تک نہ لگ سکے۔
