پاکستانی ڈرامہ انڈسٹری کی ابھرتی ہوئی اداکارہ مومنہ اقبال کا کہنا ہے کہ شوبز انڈسٹری میں شادی نہیں کروں گی۔
اداکارہ مومنہ اقبال نے حال ہی میں نجی ٹی وی کے نائٹ شو میں شرکت کی اور میزبان سمیت ناظرین کی جانب سے پوچھے گئے سوالات کے جوابات دیے۔
اداکارہ نے پہلے شوبز انڈسٹری میں شادی کرنے کے فوائد بتائے اور کہا کہ شادی کرنے کے لیے اداکاروں کو مفت میں کپڑے اور سب کچھ مل جاتا ہے اور شادی ہو جاتی ہے، اداکاروں کے بچوں کی تقریبات پر بھی خرچہ نہیں آتا۔
مومنہ اقبال نے انڈسٹری میں شادی کرنے کا نقصان بتاتے ہوئے کہا کہ سمجھ میں نہیں آتا کے کون کس کی تعریف کر رہا ہے، بیوی اپنی اور شوہر اپنی تعریفوں میں لگے رہتے ہیں اور پھر اس طرح سے لڑائیاں ہو جاتی ہیں۔
شو کے دوران اداکارہ نے حلف اٹھاتے ہوئے کہا کہ وہ شوبز انڈسٹری میں شادی نہیں کریں گی۔
اداکارہ نے بتایا کہ انہیں فلائٹ فوبیہ ہے، جہاز میں سفر کرنا اُن کے لیے بہت مشکل کام ہے مگر مجبوراً بذریعہ جہاز اُنہیں ایک سے دوسرے شہر سفر کرنا پڑتا ہے۔
مومنہ اقبال نے شو کے دوران نئے اداکاروں کو کیریئر کے آغاز میں پیش آنے والے مسائل پر بھی بات کی۔
اداکارہ نے کہا کہ وہ آج کل کی سیاسی صورتحال کے سبب بہت پریشان اور غصے میں ہیں، انہوں نے تاحال نہیں سوچا کہ آئندہ الیکشن میں ووٹ کس سیاسی جماعت کو دیں گی۔
واضح رہے کہ مومنہ اقبال اے آر وائی ڈیجیٹل کے ڈرامہ سیریل ’احسان فراموش‘ میں ’فلک‘ کا منفی کردار نبھا رہی ہیں جس کی دیگر کاسٹ میں ہمایوں اشرف، سلمان سعید، مشال خان، عتیقہ اوڈھو دیگر شامل ہیں۔
