چیئرمین پی سی بی محسن نقوی نے کہا ہے کہ پی ایس ایل 11 میں شائقین کو آنے کی اجازت دینے کے لیے وزیراعظم سے درخواست کروں گا۔
میڈیا سے گفتگو میں چیئرمین پی سی بی نے کہا کہ وزیراعظم سے شائقین کو پی ایس ایل دیکھنے کے لیے اسٹیڈیم میں آنے کی درخواست کریں گے ۔
انہوں نے کہا کہ موجودہ صورتحال کو دیکھتے ہوئے فیصلے کر رہے ہیں ہمارے ملک میں بھارت جیسےحالات نہیں بھارت میں فیول کا شارٹیج ہے پمپس پر لمبی لائن لگتی ہیں لیکن پاکستان میں ایسی کوئی صورتحال نہیں، مشکل حالات میں کچھ فیصلے ملک کیلئے بہتر ثابت ہوتے ہیں۔
شائقین کے لیے خوشخبری ہے کہ پی ایس ایل 11 کے پلے آف اور فائنل میچز کیلئے تماشائیوں کو اسٹیڈیم میں آنے کی اجازت ملنے کا امکان ہے۔ اس حوالے سے بات چیت جاری ہے اور لیگ حکام مشاورت کا عمل جاری رکھے ہوئے ہیں۔
ایندھن بحران کے باعث حکومت کی جانب سے نقل و حرکت کی پابندیوں کی وجہ سے پی ایس ایل 11 کے میچز کراچی اور لاہور میں بغیر تماشائیوں کے منعقد ہو رہے ہیں۔ اگرچہ ابتدائی لیگ میچ بند دروازوں کے پیچھے ہوئے ہیں تاہم حالیہ رپورٹس بتاتی ہیں کہ شائقین کو پلے آف اور فائنل کے لیے اجازت دی جا سکتی ہے۔
علی حسن اے آروائی نیوز سے اسپورٹس رپورٹر کی حیثیت سے وابستہ ہیں اور کھیلوں کے معاملات میں گہری دلچسپی رکھتے ہیں