وزیراعظم عمران خان نے پی ٹی آئی کے ڈسکہ امیدوار کو 20 پولنگ اسٹیشنز میں ری پولنگ کی درخواست کرنے کی ہدایت کرتے ہوئے کہا ہے کہ شفافیت چاہتےہیں اس لئےسینیٹ الیکشن میں اوپن ووٹنگ کامطالبہ کیا۔
ٹوئٹر پر جاری بیان میں وزیراعظم عمران خان نے ڈسکہ سے قومی اسمبلی کا ضمنی انتخاب لڑنے والے پی ٹی آئی امیدوار سے کہا ہے کہ 20 پولنگ اسٹیشنز میں ری پولنگ کی درخواست کرے۔
Have always struggled for fair & free elections. So even though there is no legal compulsion to do so before ECP announces results, I would request our PTI candidate to ask for re-polling in the 20 polling stations Opposition is crying hoarse over in the Daska NA 75 bye- election
— Imran Khan (@ImranKhanPTI) February 22, 2021
وزیراعظم نے کہا کہ ہمیشہ صاف اورشفاف انتخابات کیلئےجستجوکی ہے شفافیت چاہتےہیں اس لئےسینیٹ الیکشن میں اوپن ووٹنگ کامطالبہ کیا۔
وزیراعظم نے لکھا کہ اپوزیشن نےڈسکہ کےنتائج پر غیرضروری رونا دھونا مچایا ہوا ہے۔
اے آر وائی نیوز سے گفتگو کرتے ہوئے معاون خصوصی شہباز گل نے کہا کہ عمران خان پہلےدن سے صاف اورشفاف الیکشن کی بات کررہےہیں، وزیراعظم عمران خان اپنےبل بوتےپرنیچے سےاوپرآئےہیں۔
شہبازگل نے کہا کہ وزیراعظم کی پوری سیاسی زندگی دیانتداری پرمنحصرہے، شفافیت پریقین رکھنےوالےلوگ ہیں،شفاف انتخابات چاہتےہیں۔
