The news is by your side.

Advertisement

امربالمعروف جلسہ: پی ٹی آئی رہنماؤں نے سوشل میڈیا پر محاذ سنبھال لیا

اسلام آباد: پاکستان تحریک انصاف آج اسلام آباد کے پریڈ گراؤنڈ میں ‘امربالمعروف’ کے تحت عظیم الشان اور تاریخی جلسہ عام منعقد کرنے جارہی ہے، جلسے سے قبل پی ٹی آئی رہنماؤں نے سوشل میڈیا پر محاذ سنبھال لیا ہے اور اہم پیغامات جاری کئے ہیں۔

تفصیلات کے مطابق پی ٹی آئی کے سیکریٹری جنرل اور وفاقی وزیر اسد عمر نے ٹوئٹ کرتے ہوئے کہا کہ آج جلسہ نہیں ایک تاریخ رقم ہونے جا رہی ہے، پاکستان آج فیصلہ کر رہا کہ سیاست کو حرام کے پیسے سے نجات دلانی ہے اور ہم نے ایک خوددار، خودمختار قوم بن کر زندگی گزارنی ہے۔

وفاقی وزیر اطلاعات فواد چوہدری نے بھی سماجی رابطے کی ویب سائٹ ٹوئٹر پر جاری بیان میں کہا کہ تمام راستے تمام قافلے عمران خان کے ہیں، سڑکوں سےجےیو آئی اور نون کےنام نہاد قافلے غائب ہوچکے، کارکنان کا ‘جذبہ جنون سلامت۔

وزیر خارجہ شاہ محمود قریشی نے بھی ٹوئٹ کرتے ہوئے کہا کہ آج پریڈ گراؤنڈ کا جلسہ وزیراعظم پر اعتماد کا عوامی ریفرنڈم ہوگا جہاں قوم واضح پیغام دے گی کہ ہم بدی کامقابلہ کریں گے فیصلہ ہوگا کہ قوم حق کےساتھ کھڑےہیں اورفتح صرف حق کی ہوگی۔

سینیٹر فیصل جاوید بھی جلسے کو لیکر میدان میں آئے اور ٹوئٹ میں کہا کہ وزیراعظم نےجلسےکو وقت پر شروع کرنےکوکہا ہے، انشا اللہ3بجے سہ پہرجلسےکا آغاز کردیا جائےگا۔

پی ٹی آئی رہنما کا کہنا تھا کہ یہ جنگ حق اورباطل کی جنگ ہے اور آج قوم نےفیصلہ کرلیا کہ وہ حق کےساتھ کھڑی ہے، آج انشا اللہ تاریخ رقم ہونےجارہی ہے۔

 

Comments

یہ بھی پڑھیں