letter آئی بی کا خط اصلی ہے، میڈیا ہاؤس کیخلاف تحریک نہیں لائینگے، ریاض پیرزادہ
The news is by your side.

Advertisement

آئی بی کا خط اصلی ہے، میڈیا ہاؤس کیخلاف تحریک نہیں لائینگے، ریاض پیرزادہ

اسلام آباد : وفاقی وزیر بین الصوبائی رابطہ میاں ریاض حسین پیرزادہ نے کہا ہے کہ آئی بی کاخط جعلی نہیں ہے، خط دکھانے والے میڈیا ہاؤس کیخلاف تحریک نہیں لائیں گے، خط ارکان پارلیمنٹ کو دبانےاور کسی مقصد کیلئے لکھا گیاتھا۔

ان خیالات کا اظہار انہوں نے اےآروائی نیوز سے خصوصی گفتگو کرتے ہوئے کیا، ریاض پیرزادہ کا کہنا تھا کہ حکومتی ادارے نے یہ خط لکھا اور حکومت نے ہی اس کی وضاحت بھی کرنی ہے۔

اینکرارشد شریف کو خط سامنے لانے پر مبارکباد دی تھی، شیشے کے گھروں میں بیٹھ کر کس کو پتھر ماریں گے۔ انہوں نے کہا کہ خط دکھانے والے میڈیا ہاؤس کیخلاف تحریک نہیں لائیں گے، میڈیا ہاؤس سے ہمارا کوئی جھگڑا نہیں ہے اور میں تحریک استحقاق کی ہرگز حمایت نہیں کرونگا۔


مزید پڑھیں: آئی بی کے خط کی تحقیقات کی جائے، سراج الحق


ریاض پیرزادہ نے مزید کہا کہ کل کو یہ خط کسی اور ملک جائےگا تو وہ ہمیں دہشت گرد سمجھیں گے، خط ارکان پارلیمنٹ کو دبانے اور کسی مقصد کیلئے لکھا گیا تھا، یہ خط کیسےجاری ہوا اس کی تحقیقات کرنا حکومت کی ذمہ داری ہے۔


 مزید پڑھیں: آئی بی لیٹر اصلی ہے، وزیر اعظم ہاؤس سے جاری ہوا، انکشاف


ریاض پیرزادہ نے مطالبہ کیا کہ وزیراعظم شاہد خاقان عباسی آئی بی کا خط واپس لیں، واضح رہے کہ آئی بی کے مبینہ خط میں37ارکان پارلیمنٹ کے دہشت گردوں سے روابط کا ذکر کیا گیا ہے۔

 

Comments

comments

یہ بھی پڑھیں