The news is by your side.

Advertisement

آئی سی سی کی بسمہ معروف کو مبارک باد

کراچی: پاکستانی ویمن کرکٹ ٹیم کی کپتان بسمہ معروف کو انٹرنیشنل کرکٹ کونسل نے اُن کی سالگرہ پر مبارک باد دیتے ہوئے خراجِ تحسین بھی پیش کیا۔

تفصیلات کے مطابق 18 جولائی 1991 کو پیدا ہونے والی بسمہ معروف آج اپنی 28ویں سالگرہ منارہی ہیں، اُن کی دوستوں نے اہم دن کو یادگار بنانے کے لیے سرپرائز پارٹی بھی رکھی۔

بسمہ معروف نےسماجی رابطے کی ویب سائٹ پر تصاویر شیئر کرتے ہوئے اپنی دوستوں کا شکریہ ادا کیا اور کہا آج کا دن اُن ہی کی وجہ سے یادگار بنا۔

دوسری جانب انٹرنیشنل کرکٹ کونسل نے بسمہ کو سالگرہ پر مبارک باد کا پیغام دیتے ہوئے انہیں دنیائے کرکٹ کا بہترین کھلاڑی قرار دیا اور کہا کہ اُن کی وجہ سے انٹرنیشنل کرکٹ کو ایک سچا اور ایماندار پلیئر ملا۔

آئی سی سی نے بتایا کہ بسمہ نے 2006 میں انٹرنیشنل کرکٹ کا ڈیبیو کیا اور انہوں نے اب تک 200 سے زائد کیپس اپنے نام کیں اس کے علاوہ 21 نصف سنچریاں بھی بنائیں جبکہ اُن کا سب سے زیادہ اسکور 99 رہا ۔

علاوہ ازیں پاکستان کرکٹ بورڈ نے بھی ویمن کرکٹ ٹیم کی کپتان کو مبارک باد دیتے ہوئے اُن کے لیے نیک خواہشات کا اظہار کیا۔ بسمہ معروف کی دوستوں نے بھی انہیں مبارک باد دی۔

بسمہ معروف کے کیریئر پر ایک نظر

واضح رہے کہ 5 جون 2016 کو بسمہ معروف کو پاکستان ویمن ٹی ٹوئنٹی کرکٹ ٹیم کا کپتان مقررکیا گیا تھا، بعد ازاں انہیں 30 ستمبر کو پی سی بی نے ایک بار پھر ٹیم کی قیادت انہیں سونپی، بسمہ معروف 100 ایک روزہ اور تقریبا اتنے ہی ٹی ٹوئنٹی میچز میں پاکستان کی نمائندگی کرچکی ہیں۔

یاد رہے کہ گزشتہ بسمہ معروف انجری کا شکار ہوگئیں تھیں جس کے بعد اُن کا کیریئر  خطرات سے دوچار ہوگیا تھا تاہم کامیاب آپریشن کے بعد انہوں نے جرات مندی کا مظاہرہ کیا اور سخت ٹریننگ کے بعد وہ ایک بار پھر ایکشن میں نظر آئیں۔

Comments

یہ بھی پڑھیں