پاکستان کی چیمپئنزٹرافی میں جیت سال کا بہترین لمحہ قرار -
The news is by your side.

Advertisement

پاکستان کی چیمپئنزٹرافی میں جیت سال کا بہترین لمحہ قرار

دبئی : آئی سی سی نے سالانہ ایوارڈز کا اعلان کردیا جس میں پاکستان کی چیمپئنرٹرافی میں جیت کو سال کا بہترین لمحہ قرار دیا گیا۔

تفصیلات کے مطابق آئی سی سی نے 2017 کے سالانہ ایوارڈز کا اعلان کردیا جس کے مطابق پاکستان کی چیمپئنرٹرافی میں جیت کو سال کا بہترین لمحہ قرار دیا گیا۔

انٹرنیشنل کرکٹ بورد نے پاکستان کے فاسٹ باؤلر حسن علی کو ایمرجنگ پلیئرآف دی ایئرقرار دیا جنہوں نے چیمپئنرٹرافی میں 13 وکٹیں حاصل کیں۔

آئی سی سی کی جانب سے بھارت کے کپتان ویرات کوہلی کو ون ڈے کرکٹر آف دی ایئر کے ایوارڈ سے نوازا گیا۔

ویرات کوہلی نے 2017 میں 76 رنز کی اوسط سے 6 سنچریاں بنائیں اور 202 ون ڈے میچوں میں 55.74 کی اوسط سے بیٹنگ کا نیا عالمی ریکارڈ قائم کیا۔

آسٹریلوی کپتان اسٹیون اسمتھ ٹیسٹ کرکٹرآف دی ایئرقرار پائے، انہوں نے ایک سال کے دوران 16 ٹیسٹ میچز کے دوران 78.12 کی اوسط سے ایک ہزار 875 رنز بنائے جس میں 7 سنچریاں اور 5 نصف سنچریاں شامل ہیں۔

جنوبی افریقہ کے ایراسمس نے مسلسل دوسرے سال بہترین امپائر کا ایوارڈ اپنے نام کیا جبکہ افغانستان کے راشد خان بہترین ایسوسی ایٹ پلیئر آف دی ایئر قرار پائے۔

یاد رہے کہ رواں سال جون میں پاکستان نے چیمپئنزٹرافی کے فائنل میں روایتی حریف بھارت کو شکست دے کر ٹرافی اپنے نام کی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Comments

comments

یہ بھی پڑھیں