site
stats
کھیل

آئی سی سی چیمئنز ٹرافی فائنل، عمران خان کا قومی ٹیم کو مشورہ

money trail case

اسلام آباد : تحریک انصاف کے چیئرمین عمران خان نے قومی ٹیم کو مشورہ دیا ہے کہ آئی سی سی چیمئنز ٹرافی کے فائنل میں پاکستان کو پہلے بیٹنگ کرنی چاہیے۔

وہ وزیراعلیٰ پنجاب شہباز شریف کی جے آئی ٹی کے سامنے پیش ہونے کے بعد پریس بریفنگ پر ردعمل دے رہے تھے اس دوران آئی سی سی فائنل کے حوالے سے پوچھے گئے ایک سوال کے جواب میں عمران خان کا کہنا تھا کہ بھارت کے خلاف پاکستان کو پہلے بیٹنگ کرنا چاہیے، انہوں نے کہا کہ پہلے بیٹنگ کرتے ہوئے ہدف کے تعاقب کا دباؤ نہیں ہوتا لہذا زیادہ سے زیادہ ٹارگٹ دے کر مقابل ٹیم کو دباؤ میں لیا جا سکتا ہے۔

عمران خان نے پاکستان کی بولنگ اٹیک کی تعریف کرتے ہوئے کہا کہ حسن علی باصلاحیت باؤلر ہے جو کسی بھی بیٹنگ لائن کو تباہ کرنے کی اہلیت رکھتا ہے، انہوں نے کہا کہ پاکستان کا مضبوط باولنگ اٹیک کسی بھی ہدف کا دفاع کرنے کی صلاحیت رکھتا ہے اور بھارت کو ہدف سے پہلےآؤٹ کرنے کی بھی بھرپور صلاحیت رکھتا ہے۔

عمران خان نے کہا کہ اپنے تجربے کی بنیاد پر کہتا ہوں کہ جب بھی بھارتی ٹیم نے کسی بڑے ایونٹ میں دوسری بیٹنگ کی تو وہ دباؤ کا شکار ہوتی ہے، قومی ٹیم کو مخالفین کی اس کمزوری سے بھرپور فائدہ اٹھانا چاہیے۔

یاد رہے کل آئی سی سی چیمپئنز ٹرافی کے فائنل کا ٹائٹل اپنے نام کرنے کے لیے پاکستان اور بھارت کی ٹیمیں اوول گراؤنڈ میں مدمقابل ہوں گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top