انٹرنیشنل کرکٹ کونسل نے ایمرجنگ مینز کرکٹر آف دی ایئر کا اعلان کر دیا ہے پاکستان کے صائم ایوب سمیت چار ممالک کے کھلاڑی امیدوار تھے۔
انٹرنیشنل کرکٹ کونسل (آئی سی سی) نے سال 2024 کے ایمرجنگ مینز کرکٹر آف دی ایئر کا اعلان کر دیا ہے۔ سری لنکا کے کامندو مینڈس ایمرجنگ کرکٹر آف دی ایئر قرار پائے ہیں۔
آئی سی سی نے ایمرجنگ پلیئر آف دی ایئر کے لیے پاکستان کے اسٹار اوپنر صائم ایوب کو بھی نامزد کیا تھا جب کہ انگلینڈ کے فاسٹ بولر گس اٹکنسن اور ویسٹ انڈیز کے شمر جوزف بھی امیدواروں میں شامل تھے۔
تاہم سری لنکن آل راؤنڈر کامندو مینڈس نے گزرے سال 2024 میں شاندار کارکردگی پر اس اعزاز کا حق دار قرار دیا گیا۔ انہوں نے 1400 سے زائد رنز اسکور کیے۔
اس کے علاوہ آئی سی سی نے مینز ایسوسی ایٹ کرکٹر آف دی ایئر کے نام کا بھی اعلان کر دیا۔ نمیبیا کے کپتان گیرہارڈ ایراسمس دوسری بار یہ ایوارڈ لے اڑے۔
انگلینڈ سے تعلق رکھنے والے ٹیسٹ امپائر مسلسل تیسری بار بہترین امپائر آف دی ایئر کے حقدار قرار پائے۔
آئی سی سی ون ڈے ٹیم آف دی ایئر کا اعلان، پاکستان کے 3 کرکٹرز شامل
اے آر وائی نیوز کی ڈیجیٹل ڈیسک کی جانب سے شائع کی گئی خبریں