تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

آئی سی سی ’ہال آف فیم‘ میں کن کھلاڑیوں کو شامل کیا گیا؟

انٹرنیشنل کرکٹ کونسل (آئی سی سی) ہال آف فیم میں مزید کھلاڑیوں کو شامل کرلیا گیا۔

تفصیلات کے مطابق آئی سی سی ہال آف فیم میں سری لنکا کے مایہ ناز بلے باز مہیلا جے وردھنے، جنوبی افریقہ کے سابق کپتان شون پولک اور انگلینڈ کی سابق ویمن کرکٹر جینٹ بریٹن کو شامل کیا گیا ہے۔

مہیلا جے وردھنے نے 149 ٹیسٹ میچز میں 11 ہزار سے زائد رنز اسکور کیے۔

سابق سری لنکن کھلاڑی نے 448 ون ڈے انٹرنیشنل میں ملکی نمائندگی کی اور 19 سنچریوں، 77 نصف سنچریوں کی مدد سے 12 ہزار 650 رنز بنائے۔

جنوبی افریقہ کے سابق کپتان شون پولک 108 ٹیسٹ اور 303 ون ڈے میچز میں ملکی نمائندگی کی۔

شون پولک نے ٹیسٹ کیریئر میں 421 وکٹیں حاصل کیں اور 3781 رنز اسکور کیے جبکہ ون ڈے میں 393 کھلاڑیوں کو پویلین کی راہ دکھائی اور 3519 رنز اسکور کیے۔

واضح رہے کہ گزشتہ سال اگست میں ایشین بریڈ مین ظہیر عباس کو آئی سی سی ہال آف فیم میں شامل کیا گیا تھا۔

اس سے قبل حنیف محمد، عمران خان، جاوید میانداد اور وسیم اکرم کو سال 2009 جب کہ وقار یونس کو سال 2013 میں اس اعزاز کے لیے منتخب کیا گیا تھا۔

آئی سی سی ہال آف فیم میں انگلینڈ کے 29، آسٹریلیا کے 27، ویسٹ انڈیز کے 18، بھارت کے 6، جنوبی افریقا کے 5، نیوزی لینڈ کے 3 اور سری لنکا کے دو کرکٹرز شامل ہیں۔

Comments

- Advertisement -