دبئی: انٹرنیشنل کرکٹ کونسل (آئی سی سی) نے کھلاڑیوں کی نئی ٹیسٹ رینکنگ جاری کردی۔
تفصیلات کے مطابق انٹرنیشنل کرکٹ کونسل نے بھارت اور انگلیںڈ کے تیسرے ٹیسٹ میچ کے بعد ٹیسٹ کی نئی رینکنگ جاری کردی، انگلش کپتان جو روٹ کو بھارت کے خلاف شاندار کارکردگی کا صلہ مل گیا۔
انگلش کپتان جو روٹ بیٹسمین کی رینکنگ میں پہلے نمبر پر آگئے، قومی ٹیم کے کپتان بابر اعظم کا بیٹسمینوں کی فہرست میں 7واں نمبر برقرار ہے۔
From a lean 2020 to a golden run in 2021, we chart Joe Root's rise to the top of the @MRFWorldwide ICC Men's Test Player Rankings for batting 📈
— ICC (@ICC) September 1, 2021
بھارتی کپتان ویرات کوہلی کی ناقص کارکردگی کے باعث تنزلی ہوئی وہ پانچویں سے چھٹے نمبر پر چلے گئے۔
بولرز رینکنگ میں شاہین شاہ آفریدی بدستور آٹھویں نمبر پر موجود ہیں۔
انگلش فاسٹ بولر جیمز اینڈرسن ایک درجے ترقی کے بعد پانچویں نمبر پر براجمان ہیں۔