The news is by your side.

Advertisement

آئی سی سی نے ٹیسٹ کی نئی رینکنگ جاری کردی، محمد عباس کی ایک درجہ تنزلی

دبئی: انٹرنیشنل کرکٹ کونسل (آئی سی سی) نے ٹیسٹ کی نئی رینکنگ جاری کردی جس کے مطابق پاکستان کے فاسٹ بولر محمد عباس کی ایک درجہ تنزلی ہوئی ہے۔

تفصیلات کے مطابق آئی سی سی نے نئی ٹیسٹ رینکنگ جاری کردی ہے، ٹیم رینکنگ میں پہلی پوزیشن پر بھارت براجمان ہے، پاکستان کے محمد عباس ایک درجہ تنزلی کے بعد آٹھویں نمبر پر چلے گئے ہیں۔

ٹیم رینکنگ میں بھارت کا پہلا پوزیشن پر قبضہ برقرار ہے، جنوبی افریقا دوسرے، انگلینڈ تیسرے، نیوزی لینڈ چوتھے، آسٹریلیا پانچویں، سری لنکا چھٹے، پاکستان ساتویں، ویسٹ انڈیز آٹھویں، بنگلہ دیش نویں اور زمبابوے دسویں پوزیشن پر موجود ہے۔

مزید پڑھیں: آئی سی سی ون ڈے رینکنگ، مسلمان کھلاڑی چھا گئے

ٹاپ ٹین بولرز میں ربادا پہلے نمبر پر براجمان ہیں، آسٹریلیا کے پیٹ کمنز دوسرے، جیمز اینڈرسن تیسرے، ورنن فلینڈر چوتھے، رویندر جڈیجا پانچویں، جیسن ہولڈر چھٹے، ٹرینٹ بولٹ ساتویں، محمد عباس آٹھویں، ٹم ساؤتھی نویں اور روی چندر ایشون دسویں نمبر پر براجمان ہیں۔

ٹاپ ٹین بیٹسمین رینکنگ میں ویرات کوہلی کی پہلی پوزیشن برقرار ہے، کین ولیم سن دوسرے، پجارا تیسرے، اسٹیو اسمتھ چوتھے، ہینری نکولس پانچویں، ڈیوڈ وارنر چھٹے، ایڈن مرکرام ساتویں، روٹ آٹھویں، ہاشم آملہ نویں، ڈین ایگلر دسویں نمبر پر موجود ہیں۔

آل راؤنڈر رینکنگ میں جیسن ہولڈر سرفہرست ہیں، شکیب الحسن دوسرے، رویندر جڈیجا تیسرے، فلینڈر چوتھے، بین اسٹوکس پانچویں نمبر پر موجود ہیں۔

Comments

comments

یہ بھی پڑھیں