آئی سی سی ون ڈے رینکنگ : پاکستان آٹھویں نمبر پرآگیا -
The news is by your side.

Advertisement

آئی سی سی ون ڈے رینکنگ : پاکستان آٹھویں نمبر پرآگیا

دبئی : آئی سی سی نے ون ڈے کی سالانہ رینکنگ جاری کردی۔ پاکستان آٹھویں پوزیشن پر براجمان ہے، پاکستان کے ورلڈ کپ میں براہ راست انٹری کے امکانات بڑھ گئے۔

تفصیلات کے مطابق ون ڈے کرکٹ کی سالانہ اپ ڈیٹ رینکنگ میں پاکستان ٹیم کیلئے اچھی خبر آگئی۔ انٹر نیشنل کرکٹ کونسل (آئی سی سی ) نے ون ڈے کرکٹ ٹیم کی نئی رینکنگ جاری کر دی ہے۔

نئی رینکنگ میں جنوبی افریقہ پہلے ،آسٹریلیا دوسرے، بھارت تیسرے نمبر پر ہے جبکہ نئی رینکنگ میں سرفرازالیون اٹھاسی پوائنٹس کےساتھ آٹھویں نمبر پر موجود ہے۔

ون ڈے سیریز میں کامیابی کے بعد پاکستان کو ویسٹ انڈیز پر نو پوائنٹس کی برتری مل گئی۔ ویسٹ انڈیز اناسی پوائنٹس کے ساتھ نویں پوزیشن پر ہے۔ نو پوائنٹ کے فرق سے پاکستان کے ورلڈ کپ 2019 میں براہ راست انٹری کے امکانات روشن ہوگئے ہیں۔

مزید پڑھیں : پی ایس ایل کی چھٹی ٹیم کونسی ہوگی؟ 6 مقامی ٹیمیں شارٹ لسٹ

ساتویں نمبر پر موجود بنگلادیش کے پاکستان سے صرف تین پوائنٹس زیادہ ہے۔ تیس ستمبر تک رینکنگ کی ٹاپ آٹھ ٹیمیں عالمی کپ میں براہ راست جائیں گی۔

Comments

comments

یہ بھی پڑھیں