The news is by your side.

Advertisement

آئی سی سی ون ڈے رینکنگ، بابراعظم پانچویں نمبر پر آگئے

دبئی: آئی سی سی نے نئی ون ڈے پلیئرز رینکنگ جاری کردی جس کے مطابق قومی مڈل آرڈر بلے باز بابر اعظم پانچویں نمبر پر آگئے ہیں۔

تفصیلات کے مطابق آئی سی سی نے ون ڈے پلیئرز رینکنگ جاری کردی، فخر زمان کیریئر بیسٹ 11 پوزیشن پر آگئے، بابراعظم پانچویں نمبر پر براجمان ہیں۔

آل راؤنڈرز کی رینکنگ میں افغانستان کے راشد خان کا پہلا نمبر ہے قومی کرکٹر محمد حفیظ چوتھے نمبر پر موجود ہیں، ٹاپ ٹین بولر میں کوئی پاکستانی کھلاڑی شامل نہیں ہے، کھلاڑیوں کی رینکنگ میں بھارتی کپتان ویرات کوہلی پہلے نمبر پر موجود ہیں۔

پاکستان کے خلاف سیریز میں عمدہ کارکردگی کا مظاہرہ کرنے والے نیوزی لینڈ کے روس ٹیلر نے تیسری پوزیشن پر قبضہ جمالیا ہے، روہت شرما دوسرے نمبر پر ہیں اور انگلینڈ کے جوئے روٹ چوتھی نمبر پر براجمان ہیں۔

بولرز رینکنگ میں حسن علی 13ویں جبکہ 16 درجے بہتری کے بعد لیگ اسپنر شاداب خان 24 ویں نمبر پر موجود ہیں۔

ٹاپ بولرز میں بھارت کے فاسٹ بولر بمرا کا پہلا نمبر ہے، راشد خان دوسرے، کلدیپ یادیو تیسرے اور ربادا نے چوتھی پوزیشن سنبھال رکھی ہے۔

یہ پڑھیں: آئی سی سی کی ٹی 20 رینکنگ جاری، بابراعظم کی پہلی پوزیشن برقرار

واضح رہے کہ گزشتہ روز آئی سی سی نے ٹی ٹوینٹی رینکنگ جاری کی تھی، ٹی ٹوینٹی رینکنگ میں قومی ٹیم پہلے نمبر پر موجود ہے، پلیئرز میں بابر اعظم پہلے نمبر پر براجمان ہیں۔

اچھی کارکردگی کے بدولت فاسٹ بولر فہیم اشرف کی پوزیشن میں بھی واضح بہتری آئی ہے، وہ لمبی چھلانگ لگا کر ساتویں نمبر پر آگئے، پاکستان کے باصلاحیت اوپنر فخر زمان کی پانچویں پوزیشن برقرار ہے.

Comments

comments

یہ بھی پڑھیں