The news is by your side.

آئی سی سی پلیئر آف دی منتھ کا اعلان

انگلینڈ کے ابھرتے ہوئے اسٹار بلے باز ہیری بروک نے آئی سی سی مینز پلیئر آف دی منتھ برائے دسمبر 2022 جیت لیا۔

کرکٹ کے عالمی نگراں اداے انٹرنیشنل کرکٹ کونسل نے پلیئر آف دی منتھ کے لیے انگلینڈ کے ہیری بروک، پاکستان کے کپتان بابراعظم اور آسٹریلیا کے ٹریوس ہیڈ کو نامزد کیا تھا۔

مڈل آرڈر میں اٹیک کرنے کا لائسنس پانے والے ہیری بروک کے لیے دورہ پاکستان انتہائی شاندار رہا۔ بروک نے اس دورے پر انگلینڈ کی تینوں جیتوں میں شاندار سنچریاں بنائیں اور پورے دسمبر میں 93.60 کی حیران کن اوسط سے 468 رنز بنائے۔

ہیری بروک نے پاکستان کے خلاف دوسرے اور تیسرے ٹیسٹ کی ہر اننگز میں سنچری بنائی اور 17 سال بعد آنے والی انگلش ٹیم کا دورہ یادگار بنایا۔ سیریز میں پاکستان کو انگلینڈ نے وائٹ واش کیا تھا۔

بابر اعظم نے ماہ کا آغاز پر راولپنڈی میں پہلے ٹیسٹ کے تیسرے دن 136 رنز کے ساتھ، 19 چوکوں اور ایک چھکے کی مدد سے ٹیم کو 579 تک پہنچایا تھا۔

انہوں نے ملتان اور کراچی میں دوسرے اور تیسرے ٹیسٹ میچوں کی چار اننگز میں تین نصف سنچریاں بنائی تھیں۔

Comments

یہ بھی پڑھیں