عالمی عدالت نےاسرائیلی وزیراعظم کے وارنٹ طلب کر لئے۔
الجزیرہ کے مطابق آئی سی سی پراسیکیوٹر نے اسرائیلی وزیر اعظم، وزیر دفاع اور حماس کے 3 رہنماؤں کے وارنٹ گرفتاری طلب کر لیے ہیں۔
بین الاقوامی فوجداری عدالت (آئی سی سی) کے چیف پراسیکیوٹر نے سات ماہ کی جنگ کے دوران اسرائیلی وزیر اعظم بنجمن نیتن یاہو اور وزیر دفاع یوو گیلنٹ کے خلاف ان کی کارروائیوں کے سلسلے میں وارنٹ گرفتاری کے لیے درخواست دی ہے۔
آئی سی سی کے پراسیکیوٹر کریم خان نے حماس کے تین رہنماؤں: یحییٰ سنوار، محمد دیف اور اسماعیل ہنیہ کی گرفتاری کا بھی مطالبہ کیا ہے۔
پراسیکیوٹر نے کہا کہ غزہ میں کم از کم 8 اکتوبر 2023 سے درج ذیل جنگی جرائم اور انسانیت کے خلاف جرائم کی مجرمانہ ذمہ داری پر یقین کرنے کی معقول بنیادیں موجود ہیں:
جنگی جرم کے طور پر شہریوں کو بھوکا مارنا، جان بوجھ کر بڑی تکلیف، یا جسم یا صحت کو شدید چوٹ پہنچانا، جان بوجھ کر قتل اور جان بوجھ کر شہری آبادی کے خلاف حملے کرنا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں