The news is by your side.

Advertisement

ون ڈے رینکنگ: بابراعظم بدستور ‘نمبر ون’ پوزیشن پر براجمان

دبئی: انٹرنینشل کرکٹ کونسل (آئی سی سی ) نے ایک روزہ میچز کی نئی درجہ بندی جاری کردی ہے۔

آئی سی سی کی جانب سے جاری تازہ ترین درجہ بندی کے مطابق قومی کرکٹ ٹیم کے کپتان بابراعظم کی پہلی پوزیشن برقرار ہے، دوسرے نمبر پر بھارت کے سابق قائد ویرات کوہلی جبکہ تیسرے نمبر پر روہت شرما ہے۔

جنوبی افریقا کے کوئنٹن ڈی کوک چوتھے، آسٹریلیا کے ایرون فنچ پانچویں، انگلینڈ کے جونی برسٹو چھٹے، کینگروز کے ڈیوڈ وارنر ساتویں جنوبی افریقا کے روسی وینڈر آٹھویں نمبر پر براجمان ہیں۔Imageقومی ٹیم کے جارح مزاج بلے باز فخر زمان کا نواں نمبر ہے جبکہ انگلینڈ کے جوئے روٹ ٹاپ ٹین کے آخری نمبر پر ہے۔

آئی سی سی کی جانب سے بولرز کی جاری درجہ بندی میں کوئی بھی پاکستانی شامل نہیں، نیوزی لینڈ کے ٹرینٹ بولٹ پہلی پوزیشن ہے جبکہ ٹاپ ٹین میں آسٹریلیا کے تین، افغانستان کے دو اور نیوزی لینڈ، انگلینڈ اور بنگلہ دیش کا ایک ایک بولر شامل ہے۔

آل راؤنڈر کی درجہ بندی میں پاکستان کے عماد وسیم ٹاپ ٹین میں شامل ہیں وہ ساتویں پوزیشن پر موجود ہیں جبکہ بنگلا دیش کے شکیب الحسن بدستور پہلے نمبر پر قبضہ کئے بیٹھے ہیں۔

Comments

یہ بھی پڑھیں