site
stats
کھیل

آئی سی سی ون ڈے رینکنگ: ٹاپ ٹین میں‌ کوئی پاکستانی شامل نہیں

دئی : آئی سی سی کی جاری کردہ ون ڈے پلیئرز رینکنگ میں پاکستانی کھلاڑیوں کی درجہ بندی میں تبدیلی آگئی۔ بولرز اور بیٹسمینوں کی ٹاپ ٹین لسٹ میں کوئی بھی پاکستانی شامل نہیں ہے۔

تفصیلات کے مطابق پاکستان اورانگلینڈ کے مابین پانچ ون ڈے میچز کی سیریز کے اختتام کے بعد پاکستانی کھلاڑیوں کی رینکنگ میں تبدیلی رونما ہوگئی۔

دس بہترین بلےبازوں میں پاکستان کا کوئی کھلاڑی شامل نہیں۔ انگلش کھلاڑی جو روٹ کی پرفارمنس انھیں چوتھی پوزیشن پر لے آئی۔

اظہرعلی تینتیسویں اور سرفراز احمد درجہ بندی میں بہتری کے بعد انتالیسویں نمبر پر پہنچ گئے۔ آئی سی سی کی جانب سے جاری کردہ رینکنگ کے مطابق ابتدائی 10 بہترین بلے بازوں کی فہرست میں کوئی پاکستانی بلے باز جگہ نہ بنا سکا۔

جنوبی افریقی کھلاڑی اے بی ڈی ویلیئرز بدستور سرفہرست ہیں جب کہ بھارت کے تین کھلاڑی ابتدائی 10 بہترین بلے بازوں کی فہرست میں شامل ہیں۔

10 بہترین بولرز کی فہرست میں بھی کوئی پاکستانی جگہ نہ بنا سکا تاہم محمد عرفان کا گیارہواں نمبر ہے جب کہ آل راؤنڈرز میں بھی کوئی پاکستانی ابتدائی 10 کھلاڑیوں میں جگہ بنانے میں ناکام رہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top