The news is by your side.

Advertisement

آئی سی سی رینکنگ، بابراعظم کی حکمرانی برقرار

دبئی: انٹر نیشنل کرکٹ کونسل نے ایک روزہ میچز کی تازہ ترین درجہ بندی جاری کردی ہے۔

انٹرنیشنل کرکٹ کونسل (آئی سی سی ) کی ون ڈے رینکنگ کے مطابق قومی ٹیم کے کپتان بابراعظم کی حکمرانی برقرار ہے جبکہ امام الحق دوسرے نمبر پر براجمان ہیں، بھارتی ٹیم کے سابق قائد ویرات کوہلی تیسری پوزیشن پر موجود ہیں۔

بھارتی بیٹر روہت شرما چوتھی ، جنوبی افریقا کے کوئنٹی ڈی کاک پانچویں ، نیوزی لینڈ کے روس ٹیلر چھٹی ، جنوبی افریقا کے راسی وان ڈیر ساتویں جبکہ انگلینڈ کے جونی بیرزسٹو آٹھویں پوزیشن پر براجمان ہیں۔Image

آسٹریلیا کے ڈیوڈ وارنر نے ایک درجے ترقی کرتے ہوئے نویں پوزیشن سنبھال لی ہے جبکہ ایرون فنچ ایک درجہ تنزلی کے بعد دسویں نمبر پر آگئے۔

یہ بھی پڑھیں: وہ 5 بالرز جنھوں‌ نے کبھی نو بال نہیں‌ کی

آئی سی سی کی بولنگ درجہ بندی میں نیوزی لینڈ کے ٹرینٹ بولٹ پہلی پوزیشن پر قبضہ کئے بیٹھے ہیں جبکہ دوسرے نمبر پر کرس ووکس، تیسرے پر میٹ ہنری ، چوتھے پر پاکستان کے شاہین شاہ آفریدی ،بھارت کے جسپریت بمراہ پانچویں، افغانستان کے مجیب الرحمان چھٹے، آسٹریلیا کے جوش ہیزل ووڈ ساتویں ، بنگلہ دیش کے مہدی حسن آٹھویں، افغانستان کے محمد نبی جبکہ بنگلہ دیش کے شکیب الحسن دسویں نمبر پر چلے گئے۔

آل راﺅنڈرز درجہ بندی میں پاکستان کا کوئی کھلاڑی بھی شامل نہیں ہے اور اس فہرست میں بنگلہ دیش کے شکیب الحسن کا راج ہے، دوسرے نمبر پر افغانستان کے محمد نبی اور تیسری پوزیشن پر راشد خان موجود ہیں ۔

Comments

یہ بھی پڑھیں