site
stats
کھیل

آئی سی سی ٹی 20 رینکنگ: عماد وسیم ٹی 20 کے نمبرون بولرقرار

لاہور : پاکستانی ٹیم کے عماد وسیم ٹی ٹوئنٹی کرکٹ کے نمبر ون باؤلر بن گئے، جبکہ بلے بازوں میں ویرات کوہلی کی حکمرانی تاحال قائم ہے۔

تفصیلات کے مطابق انٹرنیشنل کرکٹ کونسل کی جاری کردہ ٹی ٹوئنٹی پلیئرز رینکنگ میں پاکستانی کھلاڑی عماد وسیم دو درجہ بہتری کے بعد مختصر فارمیٹ کی کرکٹ کے نمبر ون باؤلر بن گئے۔

عماد وسیم نے پہلی مرتبہ بولرز کی فہرست میں نمایاں ہونے کا اعزاز حاصل کیا ہے، آئی سی سی کے مطابق عماد وسیم 780پوائنٹس کے ساتھ سرفہرست ہیں۔

اس سے قبل جنوبی افریقی اسپنر عمران طاہر پہلی پوزیشن پر براجمان تھے جو کہ اب تنزلی کے بعد تیسرے نمبر پر پہنچ گئے ہیں۔


مزید پڑھیں: عماد وسیم پاکستان کرکٹ کا اگلا سُپراسٹار


بیٹسمینوں کی لسٹ میں بھارتی بلے باز ویرات کوہلی اور آل راؤنڈرز کی فہرست میں بنگلہ دیش کے شاکب الحسن کی حکمرانی قائم ہے۔

علاوہ ازیں مجموعی رینکنگ میں نیوزی لینڈ پہلے انگلینڈ دوسرے اور پاکستان تیسرے نمبر پر آگیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top