The news is by your side.

Advertisement

ٹی ٹوئنٹی رینکنگ، پاکستان کی پہلی پوزیشن اوربابراعظم بہترین بلے باز قرار

دبئی : آئی سی سی نے نئی ٹی ٹوئنٹی رینکنگ جاری کردی جس کے مطابق پاکستان کی پہلی پوزیشن برقرار ہے تاہم اسکاٹ لینڈ سے میچ کے بعد صورتحال واضح مزید ہوگی، بابر اعظم بدستور پہلے نمبر پر براجمان ہیں۔

تفصیلات کے مطابق انٹرنیشنل کرکٹ کونسل نے افغانستان اور بنگلہ دیش کی ٹی ٹوینٹی سیریز کے بعد نئی ٹی ٹوئنٹی رینکنگ جاری کردی، رینکنگ میں پاکستان کی پہلی پوزیشن تاحال برقرار ہے، پاکستان 130ریٹنگ پوائنٹس کے ساتھ سرفہرست ہے۔

بنگلہ دیش کو تین ٹی ٹوئنٹی میچوں کی سیریز میں کلین سوئپ کرنے کے بعد افغانستان کی ٹیم نے رینکنگ ٹیبل پر بنگلا دیش اور سری لنکا کو پیچھے دھکیل دیا۔

بہترین بلے بازوں کی فہرست میں پاکستان کے بابر اعظم پہلے نمبر پر ہیں جبکہ کامیاب بالرز میں افغانستان کے راشد خان کی سیریز میں آٹھ وکٹیں لے کر پہلی اور پاکستان کے شاداب خان کی دوسری پوزیشن ہے۔

واضح رہے کہ آئی سی سی کی نئی ٹی ٹوئنٹی رینکنگ میں دوسرا نمبر آسٹریلیا اور تیسرا بھارت کا ہے جب کہ نیوزی لینڈ چوتھے، انگلینڈ پانچویں اور جنوبی افریقہ چھٹے نمبر پر براجمان ہے۔

ٹی ٹوئنٹی رینکنگ میں عالمی چیمپئن ویسٹ انڈیز کا ساتواں نمبر ہے، ٹاپ بالرز کی فہرست میں قابل ذکر بات یہ ہے کہ دس میں سے پوزیشنیں اسپنرز کے پاس ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں