The news is by your side.

Advertisement

ملتان: سعودی عرب جانے والا مسافر گرفتار، 720 گرام آئس ہیروئن برآمد

ملتان: ایئرپورٹ پر اے این ایف اور اے ایس ایف نے مشترکہ کارروائی کرتے ہوئے سعودی عرب جانے ولے مسافر کو گرفتار کرکے 720 گرام آئس ہیرائن برآمد کرلیا۔

تفصیلات کے مطابق یہ کارروائی ملتان ایئرپورٹ پر اے این ایف اور اے ایس ایف کی جانب سے کی گئی، مسافر نجی ایئرلائن کے ذریعے منشیات اسمگل کررہا تھا۔

ملزم عدنان نجی ایئرلائن کی پرواز سے جدہ جارہا تھا، منشیات سوٹ کیس کے مختلف حصوں میں چھپائی گئی تھی۔

قانون نافذ کرنے والے اداروں کا کہنا ہے کہ گرفتار ملزم سے تفتیش کررہے ہیں جلد حقائق سامنے آئیں گے۔

گرفتار ملزم کا تعلق کسی گروہ سے ہے یا نہیں اس سے متعلق بھی تحقیق کی جارہی ہے۔

کراچی: آئس فروخت میں ملوث اینٹی نارکوٹکس فورس کا سابق سب انسپکٹر گرفتار

خیال رہے کہ گذشتہ ماہ ایکسائز اینڈ نارکوٹکس پولیس نے کارروائی کرتے ہوئے شہرِ قائد کے تعلیمی اداروں میں آئس نشہ فروخت کرنے میں ملوث 2 ملزمان گرفتار کیے تھے۔

یاد رہے کہ اے آر وائی نیوز کے پروگرام ذمہ دار کون کی ٹیم کی ایک اسٹنگ آپریشن کے دوران انکشاف ہوا تھا کہ کراچی کے تعلیمی اداروں کے طلبہ میں آئس نشے کے استعمال میں تشویش ناک حد تک اضافہ ہو چکا ہے۔

یہ بھی انکشاف ہوا تھا کہ تعلیمی اداروں میں لڑکوں کی نسبت لڑکیوں میں آئس نشہ مقبول ہے۔

Comments

comments

یہ بھی پڑھیں