لاہور : انسانی حقوق کے کارکن اورسینئر صحافی آئی اے رحمان انتقال کرگئے ، وہ شوگر اور بلڈ پریشر کے مرض میں مبتلا تھے۔
تفصیلات کے مطابق انسانی حقوق کے کارکن اورسینئر صحافی آئی اے رحمان انتقال کرگئے ، ان کی عمر 90 برس تھی ، خاندانی ذرائع کا کہنا ہے کہ آئی اےرحمان کوطبیعت خراب ہونے پر اسپتال منتقل کیا گیا تھا، وہ شوگر اور بلڈ پریشر کے مرض میں مبتلا تھے۔
خاندانی ذرائع نے کہا ہے کہ آئی اے رحمان کی نماز جنازہ کا اعلان کچھ دیرمیں کیا جائے گا۔
خیال رہے آئی اے رحمان 1930 میں ہریانہ میں پیدا ہوئے، وہ تقریباً 65 برس صحافت سے وابستہ رہے، آئی اے رحمان نے صحافت کے کیرئیر کا آغاز ایک اخبارمیں بطور رپورٹر کیا اور انہوں نے صحافت کے پلیٹ فارم سے ملک کے مختلف مسائل کواجاگرکیا۔
آئی اے رحمان تقریباً 2 دہائی تک ہیومن رائٹس کمیشن پاکستان کےڈائریکٹر رہے جب کہ 2017 تک ایچ آرسی پی میں سیکرٹری جنرل بھی رہے۔
سیاسی رہنماؤں وزیرخار جہ شاہ محمود قریشی اور فواد چوہدری کی جانب سے سینئر صحافی آئی اے رحمان کے انتقال پر اظہار افسوس کیا گیا ۔
Pakistan has lost a true icon today with the passing of I.A. Rehman. A staunch advocate and activist for Human Rights and an intellectual, I.A Rehman sahib leaves behind a rich legacy that speaks of tolerance, inclusion, equality and dignity.
— Shah Mahmood Qureshi (@SMQureshiPTI) April 12, 2021
A giant intellectual and humanitarian I.A Rehman is no more, a true liberal and humanist I.A Rehman will always be missed #IARehman
— Ch Fawad Hussain (@fawadchaudhry) April 12, 2021
آصف زرداری اور بلاول بھٹو نے آئی اے رحمان کے انتقال پر گہرے دکھ و افسوس کا اظہارکیا، بلاول نے کہا کہ آئی اے رحمان کے ناگہانی انتقال کی خبر میرے لیئے اور ہر محبِ وطن پاکستانی کے لیئے صدمے کا باعث ہے۔
پی پی پی چیئرمین بلاول بھٹو زرداری کا آئی اے رحمان کے انتقال پر گہرے دکھ و افسوس کا اظہار
آئی اے رحمان کے ناگہانی انتقال کی خبر میرے لیئے اور ہر محبِ وطن پاکستانی کے لیئے صدمے کا باعث ہے: بلاول بھٹو زداری
@BBhuttoZardari— PPP (@MediaCellPPP) April 12, 2021
اسپیکر قومی اسمبلی اسد قیصر نے اپنے پیغام میں کہا کہ معروف صحافی،کالم نگار اور ہیومن رائٹس کمیشن پاکستان کےسابقہ سیکریٹری جنرل آئی اے رحمان کےانتقال کا سن کر افسوس ہوا، ملک آج ایک دانشور، عظیم رہنما اور انسانی حقوق اور مساوات کے علمبردار سے محروم ہو گیا ہے، ان کی خدمات کوہمیشہ یادرکھا جائے گا۔
معروف صحافی،کالم نگار اور ہیومن رائٹس کمیشن پاکستان کےسابقہ سیکریٹری جنرل آئی اے رحمان کےانتقال کا سن کر افسوس ہوا۔ملک آج ایک دانشور، عظیم رہنما اور انسانی حقوق اور مساوات کے علمبردار سے محروم ہو گیا ہے۔ان کی خدمات کوہمیشہ یادرکھا جائے گا۔اللہ تعالیٰ مرحوم کےدرجات بلند فرمائے pic.twitter.com/6JYGi6M7va
— Asad Qaiser (@AsadQaiserPTI) April 12, 2021
وزیراعلیٰ سندھ نے بھی آئی اے رحمان کے انتقال پر افسوس کا اظہار کرتے ہوئے کہا آئی اے رحمان تاریخ میں ہمیشہ زندہ رہےگا ۔
* مرحوم آئی اے رحمان نے ہمیشہ جمہوریت کے استحکام اور اقدار کی بات کی، وزیراعلیٰ سندھ
* آئی اے رحمان تاریخ میں ہمیشہ زندہ رہےگا ، وزیراعلیٰ سندھ سید مراد علی شاہ
— CMHouseSindh (@SindhCMHouse) April 12, 2021
