اسلام آباد: پاکستان تحریک انصاف کے چیئرمین عمران خان نے کہا ہے کہ پولیس پی ٹی آئی کی انتخابی سرگرمیوں کے خلاف کریک ڈاؤن کر رہی ہے۔
تفصیلات کے مطابق آج صبح سابق وزیر اعظم عمران خان نے ایک ٹوئٹ میں اسلام آباد پولیس کے حوالے سے کہا ہے کہ آئی جی پولیس کی سربراہی میں پی ٹی آئی کی انتخابی سرگرمیوں پر کریک ڈاؤن کیا جا رہا ہے۔
عمران خان نے F10 کے یو سی چیئرمین افضل خان کی ہمت کی داد دیتے ہوئے کہا کہ جس تحریک میں افضل خان جیسے باہمت نوجوان ہوں، تو پولیس کی بربریت ہمارے عزم کو مزید مضبوط کرتی ہے۔
ICT police led by a crooked IG, are cracking down on PTI pol activity when national elections are only few months away. However, when a movement has youth like Afzal Khan, our F10 UC Chairman, as one of our emerging young leaders, then police brutality only strengthens our… pic.twitter.com/dEvXHjMHKH
— Imran Khan (@ImranKhanPTI) May 8, 2023
افضل خان کی گرفتاری کی ویڈیو شیئر کرتے ہوئے چیئرمین پی ٹی آئی کا کہنا تھا کہ قومی انتخابات میں صرف چند ماہ باقی ہیں، لیکن آئی جی کی سربراہی میں پارٹی کی انتخابی سرگرمیوں پر کریک ڈاؤن کیا جا رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں