The news is by your side.

Advertisement

موبائل فون خریدنے اور بیچنے کے لیے شناختی کارڈ لازمی قرار

کراچی: سندھ ایپکس کمیٹی کے اجلاس میں بڑے فیصلے کیے گئے ہیں، موبائل فون خریدنے اور بیچنے کے لیے شناختی کارڈ لازمی قرار دے دیا گیا۔

تفصیلات کے مطابق سندھ ایپکس کمیٹی کے اجلاس میں آج اہم فیصلے کیے گئے، مدارس اور سرکاری تعلیمی اداروں کی مانیٹرنگ کے علاوہ موبائل فون خریدنے اور بیچنے کے لیے شناختی کارڈ لازمی قرار دے دیا گیا ہے۔

موٹرسائیکل اسپیئر پارٹس بیچنے والوں کی رجسٹریشن کا فیصلہ

صوبائی مشیرِ اطلاعات مرتضیٰ وہاب کہتے ہیں کہ صوبے اور کراچی کو کرائم فری زون بنا دیا ہے، ٹارگٹڈ آپریشن کام یاب رہا ہے۔ ہدفی آپریشن کے سلسلے میں ڈی جی رینجرز نے اعداد و شمار دیے۔

ان کا کہنا تھا کہ موٹرسائیکل اسپیئر پارٹس بیچنے والوں کی رجسٹریشن کا فیصلہ کیا گیا ہے، موٹر سائیکلوں پر ٹریکر لگانے کے لیے قانون سازی کریں گے۔

مشیرِ اطلاعات سندھ نے کہا کہ بلوچستان سے دہشت گردوں کے داخلے کی روک تھام کے لیے بھی اقدامات کیے جائیں گے۔


یہ بھی پڑھیں: سندھ ایپکس کمیٹی اجلاس: مدارس اور سرکاری تعلیمی اداروں کی مانیٹرنگ کا فیصلہ


خیال رہے آج وزیرِ اعلیٰ سندھ سید مراد علی شاہ کی زیرِ صدارت ایپکس کمیٹی کا 23 واں اجلاس ہوا، جس میں کور کمانڈر کراچی، چیف سیکریٹری، صوبائی وزیر ناصر شاہ، مشیرِ اطلاعات مرتضیٰ وہاب، ایڈووکیٹ جنرل، ڈی جی رینجرز اور آئی جی پولیس نے شرکت کی۔

اجلاس میں صوبے اور کراچی میں امن قائم کرنے کے حوالے سے بریفنگ پر وزیرِ اعلیٰ سندھ نے کہا کہ امن کی صورتِ حال ہے لیکن 3 واقعات چینی قونصلیٹ حملہ، لانڈھی اور گلستان جوہر میں دھماکا افسوس ناک ہیں۔

Comments

comments

یہ بھی پڑھیں