The news is by your side.

Advertisement

پولیو ویکسین: آئی ڈی بی کی جانب سے عطیہ اور قرضے کے لیے معاہدہ

اسلام آباد: اسلامی ترقیاتی بینک پولیو ویکسین کے لیے پاکستان کو 60 ملین ڈالر دے گا۔

تفصیلات کے مطابق آئی ڈی بی کے ساتھ پولیو ویکسین کے لیے عطیے اور قرضے کے لیے ایک معاہدے پر دستخط ہو گئے ہیں۔

اس سلسلے میں وزارت اقتصادی امور کی جانب سے ایک اعلامیہ جاری ہوا ہے جس میں کہا گیا ہے کہ اسلامی ترقیاتی بینک 39 ملین قرضہ اور 21 ملین ڈالر بطورگرانٹ دے گا۔

اعلامیے کے مطابق آج وزارت اقتصادی امور میں منعقدہ ایک تقریب کے دوران معاہدے پر دستخط کیے گئے، معاہدے پر سیکریٹری اقتصادی امور اور اسلامی ترقیاتی بینک کے نمائندے نے دستخط کیے۔

ملک میں پولیو کا ایک اور کیس سامنے آگیا

اس رقم سے پولیو ویکسین کی خریداری، انسداد پولیو مہم کے دوران اس کے استعمال اور دیگر امور نمٹائے جائیں گے، اعلامیے میں بتایا گیا کہ پاکستان میں پولیو مہم 2 لاکھ 60 ہزار پولیو ورکرز کے ذریعے چلائی جا رہی ہے۔

واضح رہے کہ دنیا کے تقریباً تمام ممالک سے پولیو کا خاتمہ ہو چکا ہے، دنیا میں اب صرف 2 ممالک پاکستان اور افغانستان ہیں، جہاں اس کے کیسز اب بھی رپورٹ ہوتے ہیں۔ عالمی ادارہ صحت انسداد پولیو کے لیے پاکستان کی کوششوں کا اعتراف کرتے ہوئے اس بات کا امکان ظاہر کر چکا ہے کہ پاکستان بہت جلد پولیو فری ملک بن جائے گا۔

Comments

یہ بھی پڑھیں