آئیڈیاز 2018 میں 12 ایونٹ ہوں گے، یادگاری ٹکٹ جاری کرنے کا اعلان ideas 2018
The news is by your side.

Advertisement

آئیڈیاز 2018 میں 12 ایونٹ ہوں گے، یادگاری ٹکٹ جاری کرنے کا اعلان

کراچی: دفاعی سازو سامان کی نمائش آئیڈیاز 2018 سے متعلق بریفنگ دی گئی جس میں بتایا گیا ہے کہ آئیڈیاز 2018 میں 12 ایونٹ ہوں گے، یادگاری ٹکٹ بھی جاری کیا جائے گا۔

تفصیلات کے مطابق دفاعی سازو سامان کی نمائش آئیڈٰیاز 2018 میں ڈیفنس ایکسپورٹ پروموشن کے ڈائریکٹر کی جانب سے بریفنگ دی گئی ہے جس میں کہا گیا ہے کہ آئیڈیاز 2018 میں سروسز کانفرنس منعقد کی جارہی ہے جس میں تینوں مسلح افواج کے سربراہان شرکت کریں گے۔

بریفنگ میں بتایا گیا ہے کہ شہریوں کے لیے 29 نومبر کو نشان پاکستان کلفٹن پر شو ہوگا، پاک فضائیہ، بحریہ بھی عسکری مہارت کا مظاہرہ کریں گے، محکمہ ڈاک 10 روپے مالیت کا ٹکٹ 27 نومبر کو جاری کرے گا۔

چیئرمین جوائنٹ چیفس آف اسٹاف جنرل زبیر محمود حیات دفاعی سیمینار کے مہمان خصوصی ہوں گے۔

کموڈور طارق محمود کا کہنا تھا کہ آئیڈیاز 2018 میں 18 سال سے کم عمر افراد کے داخلے پر پابندی ہوگی، آئیڈیاز نمائش کے ذریعے جے ایس سترہ اور مشتاق طیارے کی فروخت میں کامیاب ہوئے، پاکستان دفاعی ہتھیاروں اور گولہ بارود کی فروخت کے نئی مارکیٹ بھی حاصل کی۔

آئیڈیاز میں 500 کمپنیوں کے اسٹال لگائے جائیں گے، انٹرنیشنل ڈڈیفنس ایگزیبیششن اور سیمینار بھی منعقد کیے جائیں گے، دنیا کے کئی ممالک کے فوجی وفود اس نمائش میں شرکت کریں گے اور پاکستان سے دفاعی معاہدے کرتے ہیں۔

اس نمائش سے پاکستان کے اسٹریٹجک تعلقات کو مزید استحکام ملے گا۔ہر دو سال بعد منعقد ہونے والی اس نمائش کے انعقاد سے پاک فوج کے تینوں شعبہ جات کو اپنی عسکری قوت نمایاں کرنے کا موقع ملتا ہے۔ اس موقع پر ثقافتی پروگرام بھی منعقد کیے جاتے ہیں۔ حکومت اور نجی اداروں کے درمیان بھی کئی طرح کے معاہدے تشکیل دیے جاتے ہیں

واضح رہے کہ شہر قائد میں دو سال بعد منعقد ہونے والی دفاعی نمائش آئیڈیاز 2018 27 سے 30 نومبر تک کراچی ایکسپو سینٹر میں منعقد ہوگی، وزیراعظم عمران خان دفاعی نمائش کا افتتاح کریں گے۔

دفاعی نمائش آئیڈیاز 2018 کے موقع پر آنے والے مہمانوں کو خوش آمدید کہنے کے لیے سندھ حکومت کے ایم سی کی مدد سے شہر تزئین و آرائش کرے گی۔

 

Comments

comments

یہ بھی پڑھیں