The news is by your side.

Advertisement

چھمب سیکٹر پر بھارتی فوج کی جارحیت،پاک فوج کا منہ توڑ جواب

بھمبر: آزاد کشمیر میں لائن آف کنٹرول پر بھارتی فوج کی جانب سے ایک بار پھر جارجیت کی گئی ہے جس کا پاک فوج کی جانب سے بھرپورجواب دیا گیا ہے۔

آئی ایس پی آر کےمطابق چھمب سیکٹر پر بھارتی فوج نے بلااشتعال فائرنگ کی ہے اور فائرنگ کا یہ سلسلہ صبح چار بجے سے آٹھ بجے تک جاری رہا،تاہم افواج پاکستان نے منہ توڑ جواب دیتے ہوئے دشمن کی توپیں خاموش کرادیں۔

ذرائع کے مطابق بھارتی جارحیت سول آبادی پر کی گئی ہے مگر ابھی تک کسی قسم کے جانی نقصان کی اطلاعات نہیں ہیں۔

بھارتی فوج کی بلااشتعال فائرنگ، 2 فوجی اہلکار شہید، وزیراعظم کی شدید مذمت

یاد رہے کہ بھارتی فوج نے بدھ اور جمعرات کی رات ایل او سی اور ورکنگ باؤنڈری پر بلااشتعال فائرنگ اورگولہ باری کی تھی، جس کے نتیجے میں دو فوجی جوان شہید ہوگئے،پاک فوج کی جوابی کارروائی نے دشمن کو خاموش ہونے پر مجبور کردیا۔

مزید پڑھیں: کسی بھی جارحیت کامنہ توڑ جواب دیا جائے گا، آرمی چیف

واضح رہے کہ گزشتہ روز آرمی چیف جنرل راحیل شریف کا کہنا تھا کہ پاک فوج لائن آف کنٹرول،ورکنگ باؤنڈری سمیت بین الاقوامی سرحد پرمکمل طور پرتیار ہے،کسی بھی جارحیت کامنہ توڑ جواب دیا جائے گا۔

Comments

comments

یہ بھی پڑھیں