کابل: افغان دارالحکومت پر طالبان کے قبضے سے قبل فرار ہونے والے سابق صدر اشرف غنی کے حوالے سے اہم انکشافات سامنے آئے ہیں۔
ذرایع کے مطابق سابق افغان صدر اشرف غنی اس وقت ازبکستان میں موجود ہیں، انہوں نے مغربی ممالک میں پناہ کی درخواست دینے کی کوششیں کیں۔
اشرف غنی کی امریکا سے پناہ حاصل کرنے کی درخواست ترجیح ہے۔
ادھر تاجکستان دفتر خارجہ نے سابق افغان صدر کے اپنے ملک میں موجودگی کی تردید کردی اور کہا اشرف غنی کا طیارہ تاجک ائیراسپیس میں داخل نہیں ہوا۔
افغان جنرل رشید دوستم فرار، کس ملک میں پناہ لی؟
دفتر خارجہ کا کہنا ہے کہ اشرف غنی کا طیارہ تاجکستان میں لینڈ نہیں ہوا، کچھ کہا نہیں جاسکتا عہدہ چھوڑنے کے بعد وہ کہاں جارہے ہیں۔
خیال رہے کہ گزشتہ روز اشرف غنی ملکی صدارت کا عہدہ چھوڑ کر افغانستان سے فرار ہوگئے تھے، ابتدائی میڈیا رپورٹس میں دعویٰ کیا جارہا تھا کہ وہ تاجکستان میں موجود ہیں لیکن اب وہاں سے تردید آچکی ہے۔
