کیا آپ نے کبھی یہ سوچا ہے کہ اگرہماری زمین گردش کرنا چھوڑ دے تو کیا ہوگا ؟ اس کو جواب سامنے آگیا ہے ، اگر زمین گردش کرنا چھوڑ دے تو اس کےانتہائی خطرناک نتائج مرتب ہونگے۔
زمین اپنے محورکےگرد ایک ہزارمیل فی گھنٹہ سے زائد کی رفتارسے گھوم رہی ہے، تاہم اس وقت کیا ہوگا جب وہ اچانک رک جائے۔
ایک رپورٹ کے مطابق اگر زمین کی گردش اچانک سے روک جائے تو ہروہ چیز جو کسی چیز سے بندھی ہوئی نہیں ہے اچانک مشرق کی جانب ایک ہزار میل فی گھنٹہ کی رفتار سے اڑنے لگے گی۔اس کے اثرات فضاءپراتنے برے مرتب ہوں گے اورہوائیں اتنی طاقتورہوجائیں گی جیسے زوردارایٹم بم کا دھماکہ ہوا ہو۔
زمین کی گردش رک جانے سے سمندروں میں بہت بڑی سونامی کی لہریں پیدا ہوسکتی ہیں جوایک منٹ کے اندر 17میل کے رقبے کو غرق کرسکیں گی۔
اس کے علاوہ زمین کا ایک دن چوبیس گھنٹوں کی بجائے موجودہ 365 دنوں کے برابر لمبا ہوجائے گا۔ اس کے ساتھ ساتھ ایک سال میں سورج چھ ماہ تک آگ برساتا رہے گا جبکہ چھ ماہ کی طویل راتوں کے باعث ہڈیاں جما دینے والی سردی کا سامنا ہوگا۔
جب زمین کی حرکت تھم جائے گی تو اس کے نتیجے میں سورج بھی مغرب سے طلوع اورمشرق میں غروب ہوگا اور ایسا سال میں ایک دفعہ ہی ہوسکے گا۔زمین کے گھومنے سے مرکز گریز طاقت پیدا ہوتی ہے جو زمین کی موجودہ شکل کو برقرار رکھنے کا کام کرتی ہے، تاہم جب زمین کی گردش روک جائے گی تو سمندر دونوں قطبوں کی جانب منتقل ہوجائیں گے جہاں کشش ثقل طاقتور ہوگی۔اس کے نتیجے میں دو طاقتور سمندر ایک بہت بڑا براعظم زمین کے درمیان ابھر آئے گا۔
مقناطیسی فیلڈ کی طاقت بتدریج کم ہونے لگے گی جس کے نتیجے میں زمین جان لیوا شعاعوں کی زد میں آجائے گی جس کے نتیجے میں زمین پر زندگی کی بقاءکا امکان لگ بھگ نہ ہونے کے برابر ہوگااور سب کچھ تہس نہس ہوکے رہ جائے گا۔
