اسلام آباد: وفاقی حکومت تحریک انصاف کے خلاف فارن فنڈنگ کیس کا فیصلہ ملنے کے بعد تذبذب کا شکار ہوگئی۔
ذرائع کے مطابق وفاقی کابینہ کے اجلاس کا احوال سامنے آگیا۔ کابینہ کے بعض ارکان الیکشن کمیشن کے فیصلے کو لے کر احتیاط برتنے کے حامی ہیں۔
کابینہ کے بعض ارکان نے چیئرمین پی ٹی آئی عمران خان کے خلاف سخت اقدامات کا مطالبہ کیا ہے۔ ارکان نے رائے دی: ’آج جو فیصلے کیے گئے کل ہمیں بھی ان کا سامنا کرنا پڑ سکتا ہے، الیکشن کمیشن کے فیصلے کے بعد انتہائی احتیاط کی ضرورت ہے‘۔
اجلاس میں دیگر ارکان نے کہا: ’عمران خان کو نہ روکا گیا تو عام انتخابات میں ہمیں مشکلات ہوں گی‘۔
دوسری جانب پاکستان ڈیموکریٹک موومنٹ نے آرٹیکل 63 کے تحت عمران خان کی نااہلی کے لیے الیکشن کمیشن میں رنفرنس دائر کر دیا۔
رنفرنس میں کہا گیا کہ سابق وزیر اعظم نے توشہ خانہ میں ملنے والے تحائف ظاہر نہیں کیے، انہیں آرٹیکل 62 ون ایف کے تحت نااہل کیا جائے۔
