The news is by your side.

Advertisement

کےالیکٹرک نے لوڈشیڈنگ کا مسئلہ حل نہ کیا تو آخری حد تک جائیں گے، گورنرسندھ

کراچی : گورنر سندھ عمران اسماعیل نے کے الیکٹرک سے متعلق کہا ہے کہ کراچی الیکٹرک نے واضح جوابات یا تعاون نہیں کیا تو ایکشن لیں گے، عوام کب تک خمیازہ بھگتیں گے۔

تفصیلات کے مطابق گورنر سندھ نے کے الیکٹرک خلاف کارروائی کا عندیہ اے آر وائی نیوز کے پروگرام الیونتھ آور میں گفتگو کرتے ہوئے دیا، عمران اسماعیل کا کہنا تھا کہ گزشتہ سال کی انکوائری لوگوں کی اموات سے متعلق تھی اور اس سال انکوائری شہر قائد میں لوڈشیڈنگ سے متعلق ہے۔

ان کا کہنا تھا کہ اس مرتبہ کے الیکٹر کی لوڈشیڈنگ پر مخصوص انکوائری ہوگی اور اگر کےالیکٹرک نے واضح جوابات یا تعاون نہیں کیا تو ایکشن لیں گے۔

عمران اسماعیل نے کہا کہ کراچی کو تنہا تو نہیں چھوڑیں گے، عوام کب تک خمیازہ بھگتئں گے، آج کے الیکٹرک سے متعلق نیپرا کو خط بھی لکھا ہے۔

گورنر سندھ نے کہا کہ کے الیکٹرک کہتی ہے فیڈر ٹرپ ہوگیا حالانکہ وہ لوڈ برداشت نہیں کرسکتے، ہماری کوشش تھی کے الیکٹرک کراچی کو بجلی کی سپلائی بہتر کرے، بن قاسم کو فرنس آئل پر منتقل کرنے کیلئے آج بند رکھا گیا ہے۔

fb-share-icon0
Tweet 20

Comments

comments

یہ بھی پڑھیں