The news is by your side.

Advertisement

‘نوازشریف کے بیانیےسے بھارت میں ماتم ہےتو ڈبل سلیوٹ کروں گا’

وزیرمملکت علی محمد خان نے کہا ہے کہ نوازشریف کےبیانیےسےبھارت میں ماتم ہےتوڈبل سلیوٹ کروں گا جب کہ نوازشریف کے بیانیےسے بھارت میں لڈو بانٹے جائیں گے تواعتراض ہوگا۔

اے آر وائی نیوز کے پروگرام میں گفتگو کرتے ہوئے علی محمد خان نے کہا کہ برطانیہ کیساتھ پرانےتعلقات ہیں اور کو آپریشن کرتے رہے ہیں، کچھ کیسزمیں برطانیہ کومطلوب لوگ حوالےکیےگئےہیں اور ایسے ہی ہم نےکچھ مطلوب لوگوں سےمتعلق کارروائی کی ہے، برطانیہ سےکہاجائے گا کہ ہماری عدالتوں کومطلوب شخص لندن میں ہے اگر حکومتی سطح پر رابطے ہوئےہوں گے جس کا شہزاد اکبر بتاسکتےہیں۔

وزیرمملکت نے کہا کہ نوازشریف اس وقت مجرم بھی اورملزم بھی ہیں، قانونی راستہ اپناتےہوئےنوازشریف کووطن واپس لائیں گے، نوازشریف اگرآج پاکستان میں ہوتےتوجیل میں ہوتے،نوازشریف نےجوتقاریرکی ہیں کیاجیل سےایسی تقاریر کر سکتے تھے.

ان کا کہنا تھا کہ سپریم کورٹ کا آج کاتحریری فیصلہ حکومت کےخلاف آیاہے، ن لیگ سےسوال پوچھتاہوں کیاانہیں سپریم کورٹ پراعتمادہے۔

علی محمدخان نے مزید کہا کہ پی ڈی ایم کی سمجھ ہی نہیں آرہی کہ یہ کس طرف جارہی ہے اس سےزیادہ اظہار رائے کی آزادی کیاہوگی کہ نام لےکرتنقیدکی جارہی ہے نوازشریف ایسی باتیں کرجاتےہیں کہ ن لیگ والےاس کادفاع نہیں کرپاتے۔

Comments

یہ بھی پڑھیں