The news is by your side.

Advertisement

اپنے بیٹے کو بچاسکو تو بچا لو، اغوا کاروں کی والدین کو دھمکی

تلمبہ: صوبہ پنجاب کے علاقے تلمبہ میں اغوا کاروں نے 10 سالہ بچے کے والدین کو دھمکی دی ہے کہ اپنے بیٹے کو بچا سکو تو بچا لو۔

تفصیلات کے مطابق خانیوال کے علاقے تلمبہ میں 10 سالہ ایان گلی میں جا رہا تھا 2 افراد نے اغوا کرنے کی کوشش کی، اغوا کاروں نے بچے کو پکڑ کر منہ پر ٹیپ لگایا،ہاتھ پاؤں باندھنے لگے، راہگیروں کے آنے پر اغوا کار بچے کو چھوڑکرفرار ہوگئے۔

اغواکاروں نے اگلے روز دوبارہ بچے کو اغوا کرنے کی کوشش کی جو ناکام رہی جس پر انہوں نے بچے کےگھر کےگیٹ پر دھمکی آمیز پرچی چسپاں کر دی جس پر لکھا ہوا تھا کہ اپنے بیٹے کو بچا سکو تو بچالو۔

پولیس حکام نے کہا ہے کہ 10 سالہ ایان کے اہل خانہ کی نشاندہی پر ملزم کوگرفتار کر لیا گیا ہے۔

یاد رہے کہ رواں برس 8 مئی کو پولیس نے اغوا ہونے والے 7 سالہ بچے سبحان انیس کو شاہدرہ سے بحفاظت بازیاب کروا لیا گیا تھا۔

ڈی آئی جی انویسٹی گیشن ڈاکٹر انعام وحید خان کا کہنا تھا کہ مغوی سبحان انیس کو 4 کروڑ روپے تاوان کے لیے اغوا کیا گیا تھا، اغوا کار مغوی کا قریبی رشتے دار ذیشان عرف شانی اور اس کے ساتھی فرحان کو گرفتار کر لیا گیا۔

fb-share-icon0
Tweet 20

Comments

comments

یہ بھی پڑھیں