ہفتہ, فروری 8, 2025
اشتہار

سعودی عرب میں تین نسلوں کو اکھٹا کرنے والا ”افطار دستر خوان“

اشتہار

حیرت انگیز

سعودی عرب میں جدہ کے علاقے العماریہ کے شہری ”افطار دستر خوان“ کے حوالے سے آج بھی سالوں پرانی روایت پر قائم ہیں۔

عرب میڈیا کے مطابق ”افطار دستر خوان“ میں شامل ہونے والے بیشتر افراد دیگر علاقوں میں منتقل ہوچکے ہیں، اس کے باوجود ماہ مقدس میں ہونے والی اس اجتماعی افطار میں ضرور شریک ہوتے ہیں۔

اخبار 24 کی رپورٹ کے مطابق ایک نوجوان کا کہنا تھا کہ ہم نے اپنے بڑوں سے اس روایت کے بارے میں سنا تھا اور آج ہم اس پر اسی طرح عمل کرتے ہیں جس طرح ہمارے بزرگ کرتے تھے۔

نوجوان نے کہا کہ اگرچہ روز مرہ کی بڑھتی ہوئی مصروفیات کے باعث بیشتر اہل علاقہ دوسرے مقامات پر منتقل ہوچکے ہیں، اس کے باوجود رمضان کا افطار دسترخوان ہم سب کو اکٹھا کرنے کا بہترین موقع فراہم کرتا ہے۔

اس روایت کا ایک فائدہ یہ بھی ہے کہ دور دراز مقامات پرمنتقل ہوجانے والے اہل محلہ سال میں کم از کم ایک بار رابطہ قائم کرلیتے ہیں، جس سے ہمارا باہمی تعلق مزید گہرا ہوجاتا ہے۔

میکڈونلڈ نے مسلم ممالک میں ہونے والے بائیکاٹ سے پریشان ہوکر حل نکال لیا

العماریہ محلے سے منتقل ہونے والے شہری عبید نے بتایا کہ ’رمضان کا افطار دستر خوان ہم سب کو جمع کرنے کا ایک بہانہ ہے۔ اجتماعی افطاری پر اکھٹے ہو کر ہم اپنے ماضی کو یاد کرتے ہیں جو خوش آئند ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں