قومی ٹیم کے آل راؤنڈر افتخار احمد نے انٹرا اسکواڈ ٹارگٹ میچ میں دھواں دھار بیٹنگ کرتے ہوئے سنچری جڑ دی۔
افتخار احمد نے جارحانہ بلے باز کرتے ہوئے بولرز کا بھرکس نکال دیا، انہوں نے تیز رفتاری سے رنز بناتے ہوئے 48 گیندوں پر 102 رنز کی ناقابل شکست اننگز کھیلی۔
اوپنر عبداللہ شفیق نے 38 اور حسین طلعت نے 24 رنز بنائے جب کہ فہیم اشرف نے 2، وہاب ریاض اور محمد حسنین نے ایک ایک وکٹ حاصل کی۔
میچ میں بولرز نے مختلف اہداف کے مطابق بولنگ کی۔
📸 Pakistan team intra squad match at Queenstown#HarHaalMainCricket #BackTheBoysInGreen pic.twitter.com/6w9NBZuOXt
— Pakistan Cricket (@TheRealPCB) December 14, 2020
پاکستانی ٹیم نیوزی لینڈ کے خلاف مسلسل تیسری مرتبہ ٹی ٹوئنٹی سیریز جیتنے کے لیے پرعزم ہے۔ قومی کھلاڑیوں کا کوئنز ٹاؤن میں تین گھنٹے طویل ٹریننگ سیشن ہوا۔ کھلاڑیوں نے نیٹ پریکٹس کے علاوہ فزیکل ٹریننگ اور فیلڈنگ پریکٹس میں بھی حصہ لیا.
دونوں ٹیموں کے درمیان یہ تین ٹی ٹوینٹی اٹھارہ، بیس اور بائیس دسمبر کو کھیلے جانے ہیں۔
