The news is by your side.

رانا ثنااللہ گھٹنوں کے بل چل کر عمران خان کے پاس آئیں گے، پی ٹی آئی رہنما کا دعویٰ

اسلام آباد : پی ٹی آئی رہنما افتخار درانی نے دعویٰ کیا ہے کہ وزیرداخلہ رانا ثنا گھٹنوں کے بل چل کر عمران خان کے پاس آئیں گے۔

تفصیلات کے مطابق تحریک انصاف کے رہنما افتخار درانی نے پی ٹی آئی لانگ مارچ کے لئے صوبوں سے پولیس نفری مانگنے پر ردعمل دیتے ہوئے کہا رانا ثنا بھول رہے ہیں پنجاب میں ہماری حکومت ہے، وزیرداخلہ گھٹنوں کے بل چل کر عمران خان کے پاس آئیں گے۔

افتخاردرانی نے چیلنج کیا کہ راناثنا جوکرسکتے ہیں کرلیں ، پیشگی بتارہاہوں،بہت بڑاسرپرائزدینے جارہے ہیں۔

یاد رہے تحریک انصاف کے ممکنہ لانگ مارچ کے پیش نظر وفاقی پولیس نے صوبوں سے پولیس ، ایف سی اور رینجرزکے 30 ہزار اہلکار مانگ لئے ہیں۔

ذرائع کا کہنا ہے کہ پنجاب سے 20ہزار،کےپی سے 4 ہزار جبکہ 6 ہزار نفری رینجرز مانگی گئی۔

ذرائع کے مطابق پولیس ، ایف سی اور رینجرز کے علاوہ سینکڑوں کینٹرز بھی لگائے جائیں گے اور داخلی راستوں پر کنٹینرزکے ساتھ خندقیں بھی کھودی جائیں گی۔

وفاقی پولیس کی جانب سے اضافی آنسوں گیس شیل اور شیل پھیکنے والے ڈرونزبھی منگوائے گئے۔

Comments

یہ بھی پڑھیں