لاہور: آئی جی پنجاب عامر ذوالفقار خان نے کہا کہ پولیس کی پرانی روایات کو تبدیل کیا جائے گا۔
عامر ذوالفقار خان کو نیا آئی جی پنجاب تعینات کیا گیا ہے، آج عہدے کا چارج سنبھالتے ہوئے آئی جی پنجاب عامر ذوالفقار خان نے میڈیا سے گفتگو کرتے ہوئے کہا کہ افسران کے ساتھ بیٹھ کر مسائل کا جائزہ لوں گا۔
آئی جی پنجاب نے کہا کہ فورس کو ایک ہی پیغام ہے قانون اور آئین کے مطابق کام کریں، پنجاب میں پولیس کی پرانی روایات کو تبدیل کیا جائے گا۔
آئی جی پنجاب نے کہا کہ دنیا میں چلنے والے جدید ماڈل کو فالو کیا جائےگا، مسائل کے حل کے لیے تمام تر کوشش کروں گا۔
آئی جی پنجاب کا کہنا تھا کہ دہشت گردی کے خطرات موجود ہیں، جرائم پر جلد قابو پانے کی کوشش کریں گے، عوام کی خدمت اولین ترجیح ہے، پولیس فورس بھر پور کردار اداکرے گی۔
Comments
- Advertisement -
