The news is by your side.

Advertisement

احسن اقبال پر حملہ: جے آئی ٹی اراکین ملزم سے مزید تفتیش کررہے ہیں، آئی جی پنجاب

لاہور : آئی جی پنجاب پولیس کیپٹن (ر) عارف نواز خان نے کہا ہے کہ وزیر داخلہ احسن اقبال پر حملے کے واقعے پر جے آئی ٹی کام کر رہی ہے۔

ان خیالات کا اظہار انہوں نے لاہور میڈیا سے گفتگو کرتے ہوئے کیا،انہوں نے بتایا کہ واقعے میں گرفتار ہونے والے ملزم عابد حسین سے مزید تفتیش کی جارہی ہے،

آئی جی پنجاب نے بتایا کہ جسٹس اعجازالاحسن کے گھر پر فائرنگ کے واقعہ کی فرانزک رپورٹس بھی آچکی ہیں ، پولیس واقعے کی جے آئی ٹی جلد رپورٹ شیئر کرے گی۔

اس موقع پر ایک صحافی کی جانب سے نواز شریف کے خلاف مقدمات کے سوال پر آئی جی پنجاب صرف مسکرا کر رہ گئے اور کوئی جواب نہ دیا۔

کیپٹن (ر) عارف نواز خان نے عابد باکسر سے متعلق سول پر کہا کہ عابد باکسرکی گرفتاری ابھی تک نہیں عمل میں لائی جاسکی ہے، جیسے ہی کوئی پیش رفت ہوئی میڈیا کو آگاہ کردیا جائے گا۔

عابد باکسرکی گرفتاری کے اب تک کئی ریڈ وارنٹ جاری کئے گئے ہیں اور اس کے علاوہ ریڈ وارنٹ انٹرپول کو بھجوا دیئے گئے گرفتاری پر جلد کام شروع ہوجائے گا۔

مزید پڑھیں: احسن اقبال پر قاتلانہ حملہ، جی آئی ٹی کی تفتیش، ملزم کا بیان ریکارڈ

واضح رہے کہ اس سے قبل گزشتہ ماہ آئی جی پنجاب پولیس کیپٹن (ر) عارف نواز خان نے زینب کیس قصور میں معطل ہونے والے ڈسٹرکٹ پولیس آفیسر (ڈی پی او) ذوالفقار احمد کو بحال کر دیا تھا اور انہیں ڈسٹرکٹ پولیس آفیسر چکوال تعینات کر دیا گیا ہے۔ ذوالفقار احمد کی بحالی سانحہ قصور کے حوالے سے انکوائری رپورٹ میں بے گناہی ثابت ہونے پر عمل میں آئی ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔ 

Comments

comments

یہ بھی پڑھیں