The news is by your side.

Advertisement

آئی جی پنجاب کا لڑکیوں کے اغوا اور زیادتی کا نوٹس، ایک ملزم گرفتار

لاہور : آئی جی پنجاب نے گجرپورہ میں دو لڑکیوں سے مبینہ اجتماعی زیادتی کے واقعے کا نوٹس لیتے ہوئے سی سی پی او لاہور سے رپورٹ طلب کرلی۔

تفصیلات کے مطابق لاہور کے علاقے گجرپورہ میں اجتماعی زیادتی کا ایک اور اندوہناک واقعہ رونما ہوا جس میں حوّا کی دو بیٹوں کو اغوا کے بعد اجتماعی زیادتی کا نشانہ بنایا گیا۔

واقعے پر اظہار افسوس کرتے ہوئے آئی جی پنجاب انعام غنی نے سی سی پی او لاہور غلام محمود ڈوگر سے رپورٹ طلب کرلی۔

آئی جی پنجاب نے ملزمان کو جلد از جلد گرفتار کرکے سخت قانونی کارروائی کا حکم دیتے ہوئے کہا ہے کہ متاثرہ لڑکیوں کو انصاف کی فراہمی ترجیحی بنیاد پر یقینی بنایا جائے۔

سی سی پی او لاہور نے آئی جی پنجاب کی ہدایات پر عمل کرتے ہوئے گجرپورہ میں دو لڑکیوں سے اجتماعی زیادتی کے واقعے کا مقدمہ درج کرلیا۔

غلام محمود ڈوگر نے کہا کہ گجرپورہ پولیس نے ایک ملزم کو گرفتار کرلیا ہے جب کہ واقعے میں ملوث دیگر ملزمان کو جلد گرفتار کرلیا جائے گا۔

سی سی پی او لاہور کا مزید کہنا تھا کہ خواتین کے تحفظ کو ہر ممکن طریقے سے یقینی بنایا جائے گا۔

گجرپورہ میں مزید دو لڑکیوں کی عصمت تار تار، تین ملزمان کی اجتماعی زیادتی

خیال رہے کہ تین سفاک ملزمان نے دو لڑکیوں کو اسلحے کے زور پر شاہدرہ سے اغوا کرکے گجرپورہ میں لیجاکر اجتماعی زیادتی کا نشانہ بنایا ہے۔

Comments

یہ بھی پڑھیں