یرغمال پولیس اہلکاروں کو جلد بازیاب کرالیں گے، آئی جی پنجاب -
The news is by your side.

Advertisement

یرغمال پولیس اہلکاروں کو جلد بازیاب کرالیں گے، آئی جی پنجاب

راجن پور : آئی جی پنجاب مشتاق سکھیرا نے کہا ہے کہ چھوٹو گینگ کے خلاف آرمی، رینجرز اور پولیس مشترکہ آپریشن کررہی ہیں، یرغمال پولیس اہلکاروں کو جلد بازیاب کرالیں گے۔

تفصیلات کے مطابق آئی جی پنجاب مشتاق سکھیرا نے کہا ہے کہ چھوٹو گینگ کےخلاف آپریشن کی منصوبہ بندی فوج اوررینجرزافسران نے کی جبکہ اس بار پولیس نے بھی مکمل تیاری کی تھی اور اہلکاروں کو آپریشن سے پہلے اسپیشل ٹریننگ دی گئی جبکہ ایک ایک پولیس اہلکار کو 2میگزین کے بجائے 5 میگزین دیئے تھے۔

آئی جی پنجاب کا کہنا تھا کہ وہ اہلکاروں کا حوصلہ بڑھانے کے لئے راجن پور آئے ہیں۔ انہوں نے کہا کہ ڈاکوؤں کے ٹھکانوں پر شیلنگ اور فائر نگ جاری ہے۔

کچے کے علاقے میں ڈاکوؤں کی کمین گاہوں تک جانے کے لئے اہلکاروں نے مرضی سے نام لکھوائے،آپریشن کی پلاننگ مشترکہ تھی۔

 

Comments

comments

یہ بھی پڑھیں