کراچی: آئی جی سندھ اے ڈی خواجہ کا کہنا ہے کہ شہریوں کو تحفظ فراہم کرنا پولیس کی اولین ذمے داری ہے، ہم اپنی ذمے داری کو ادا کریں گے.
تفصیلات کے مطابق آئی جی سندھ اے ڈی خواجہ کا کہنا ہے کہ ٹرانسپور ٹ اورتجارتی مراکزکی سیکیورٹی یقینی بنائی جائے گی، شرپسند اورامن دشمنوں کے خلاف بلاامتیاز کارروائیاں کی جائیں۔
انہوں نے اپنے عملے کو مزید ہداہات کرتے ہوئے کہا کہ ایس ایس پیزعوام کی جان ومال کےتحفظ کے اقدامات کی نگرانی کریں، اینٹی رائٹس پلاٹونزکو تیار حالت میں رکھا جائے، نا خوشگوار واقعے سے نمٹنے کے لئے سادہ لباس اہلکاروں کوٹاسک دیا جائے.
مزید پڑھیں:کراچی کی سڑکوں پر ہیوی ٹریفک کا داخلہ کل سے بند
تربیت یافتہ افسران وجوانوں کو اسنیپ چیکنگ کا حصہ بنایا جائے،دفعہ 144کے تحت عائد پابندی پرسختی سے عمل یقینی بنایا جائے۔
مزید پڑھیں:جدید رپورٹنگ روم تھانہ کلچر کی تبدیلی کی طرف پہلا قدم ہے، آئی جی سندھ
چند روزقبل آئی جی سندھ اے ڈی خواجہ نے اسی حوالے سے کہا تھا کہ پولیس کا کام صرف لوگوں کو سزا دلوانا نہیں ہے بلکہ مجرموں کی ذہن سازی کرنا بھی ہے جس کے لیے تھانوں کے کلچر میں تبدیلی کی ضرورت ہے۔
