The news is by your side.

Advertisement

سندھ پولیس نےاپنا خون دے کرشہریوں کا دفاع کیا‘ آئی جی سندھ

کراچی : آئی جی سندھ پولیس امجد جاوید سلیمی کا کہنا ہے کہ سندھ کا دہشت گردی کے خلاف کردارایک سنگ میل بن چکا ہے۔

تفصیلات کے مطابق شہید بینظیربھٹوایلیٹ پولیس ٹریننگ سینٹر میں پاسنگ آؤٹ پریڈ ہوئی جس کے مہمان خصوصی آئی جی سندھ پولیس امجد جاوید سلیمی تھے۔

ایگلیٹ کورس 38 اے بیج کے 213 جوان، 38 بی بیج کی 213 خواتین پاس آؤٹ ہوئیں اور مجموعی طورپر700 جوان ٹریننگ سینٹرسے پاس آؤٹ ہوئے۔

آئی جی سندھ امجد جاوید سلیمی پریڈ نے پریڈ کا معائنہ کیا اور بہترین کارکردگی کا مظاہرہ کرنے پرجوانوں کو تعریفی اسناد، نقد انعامات دیے۔

آئی جی سندھ نے ٹریننگ سینٹرمیں پاسنگ آؤٹ پریڈ سے خطاب کرتے ہوئے کہا کہ پاس آؤٹ اہلکاردہشت گردوں کے خلاف سیسہ پلائی دیوار بنیں گے، اہلکارفیلڈ میں نکلیں گے تو جرائم پیشہ افراد بھاگ جائیں گے۔

امجد جاوید سلیمی نے کہا کہ سندھ پولیس نے اپناخون دے کرشہریوں کا دفاع کیا، سندھ کا دہشت گردی کے خلاف کردارایک سنگ میل بن چکا ہے۔

انہوں نے کہا کہ سندھ پولیس نے عوام کی حفاظت کی خاطر قیمتی جانوں کی پرواہ نہیں کی، شہدا کی قربانیوں کو رائیگا نہیں جانے دیں گے۔

آئی جی سندھ نے کہا کہ سندھ پولیس کے تمام شعبوں کے دروازے بلوچستان کے لیےکھلے ہیں، بلوچستان پولیس جب چاہے اہلکاروں کو تربیت کے لیے بھیج سکتی ہے۔

امجد جاوید سلیمی نے کہا کہ یہ جوان بلوچستان کے نہیں اس ملک کے جوان ہیں، دہشت گردی کے خلاف جنگ میں جوانوں کو اتارا جا رہا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں